НИШАСТИ МАТБУОТӢ. Дар телевизионҳои Чин 6 филми мустанади Тоҷикистон намоиш дода мешавад
ДУШАНБЕ, 21.07.2025 /АМИТ «Ховар»/. Дар доираи «Мубодила, намоиши филмҳо ва барномаҳои телевизионӣ байни Ҷумҳурии Тоҷикистон ва вилояти Шенсии Ҷумҳурии Мардумии Чин» аз ҷониби Тоҷикистон 6 филми мустанад барои намоиш дар телевизионҳои вилояти Шенсӣ бо зернависи чинӣ ва англисӣ ва аз ҷониби Чин 5 филм барои намоиш дар телевизионҳои Ҷумҳурии Тоҷикистон пешниҳод гардидаанд, ки имрӯзҳо дар телевизионҳои ҳарду ҷониб пахш мешаванд. Чунин посух дод ба суоли хабарнигори АМИТ «Ховар» Раиси Кумитаи телевизион ва радиои назди Ҳукумати Ҷумҳурии Тоҷикистон Носир Саидзода 21 июл зимни нишасти матбуотӣ.
«Дар оянда шумораи барномаҳои телевизионӣ ва филмҳое, ки барои мубодила пешниҳод карда мешаванд, боз ҳам афзоиш меёбад. Инчунин дар назар аст, ки филмҳои мустанади муштарак ба навор гирифта шаванд», — иттилоъ дод Носир Саидзода.
Иброз гардид, ки ҳадафи асосии мубодилаи фарҳангӣ ва намоиши филмҳою барномаҳои телевизионӣ дар байни ду давлат аз таҳкими дӯстӣ ва тавсеаи ҳамкории фарҳангии ҷонибҳо иборат мебошад. Ин иқдом барои муаррифӣ намудани фарҳанг, оину суннат ва маконҳои таърихию сайёҳии ду давлат қадами муҳим мебошад.
Моҳинави НАВРӮЗ,
АМИТ «Ховар»
АКС: Кумитаи телевизион ва радиои назди Ҳукумати Ҷумҳурии Тоҷикистон
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
