НИШАСТИ МАТБУОТӢ. Дар Тоҷикистон 10 ёдгории таърихию фарҳангӣ бозёфт гардид
ДУШАНБЕ, 21.07.2025. /АМИТ «Ховар»/. Ҳангоми пешбурди корҳои азнавбақайдгирии ёдгориҳои таърихию фарҳангӣ аз ҷониби мутахассисони Агентии ҳифзи мероси таърихию фарҳангии назди Ҳукумати Ҷумҳурии Тоҷикистон 10 ёдгории таърихию фарҳангӣ бозёфт гардида, ба қайд гирифта шуд. Дар ин хусус имрӯз зимни нишасти матбуотӣ директори Агентӣ Шералӣ Хоҷазода ба хабарнигорон иттилоъ дод.
Аз ҷумла, дар ҳудуди шаҳри Норак 2 ёдгории бостонии мансуб ба асрҳои 7-8 мелодӣ-суҳбатгоҳҳои будоӣ, ноҳияи Шамсиддини Шоҳин — 3 ёдгории бостонии мансуб ба давраи Сосониён, ноҳияи Кӯҳистони Мастчоҳ – 2 мавзеи сангнавиштаҳо мансуб ба асрҳои миёна, ноҳияи Айнӣ 3-ёдгории бостонӣ-меъмории мансуб ба асрҳои миёна бозёфт гардиданд.
Ҳамчунин зимни пешбурди корҳои азнавбақайдгирии ёдгориҳои таърихию фарҳангӣ миқдори зиёди осори ҳунармандӣ, заргарӣ, кулолгарӣ, сикказанӣ ва шаҳрсозии ниёгон кашф гардида, раванди азнавбақайдгирии ёдгориҳои таърихию фарҳангӣ дар мамлакат мунтазам идома дорад.
Ба иттилои директори агентӣ, дар ҷараёни азнавбақайдгирии ёдгориҳои таърихию фарҳангӣ дар шаҳри Турсунзода муайян гардид, ки баъзе аз онҳо тахриб гардидаанд ва дар ин самт корҳои барқароркунӣ идома доранд.
Зарангези ЛАТИФ,
Тоҳири САИД (АКС),
АМИТ «Ховар»
Шералӣ Хоҷазода: «Маърифати ҳуқуқӣ омили муҳими ҳифзи мероси таърихию фарҳангӣ мебошад»
Доир ба саҳми Эмомалӣ Раҳмон дар татбиқи стратегияи рушди Ҷумҳурии Тоҷикистон китоби нав рӯнамоӣ гардид
Таҳти унвони «Президент — шаҳсутуни истиқлол ва давлатдории миллӣ» конференсияи ҷумҳуриявӣ доир шуд
Ҷилди сеюми китоби «Абармарди таърихсоз»-и академик Фарҳод Раҳимӣ ба нашр расид
Ҳамкории Тоҷикистон ва Қазоқистон дар соҳаи ҳифзи мероси фарҳангӣ ва хаттӣ густариш меёбад
Дар ёдгории таърихии Қалъаи «Золи Зар»-и ноҳияи Данғара корҳои сохтмонӣ оғоз гардиданд
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
