НИШАСТИ МАТБУОТӢ. Дар Тоҷикистон беш аз 23 ҳазор ҷойи кор таъсис дода шудааст
ДУШАНБЕ, 30.07.2025. /АМИТ «Ховар»/. Дар шашмоҳаи якуми соли равон дар бахши воқеии иқтисодиёт 23 766 ҷойи кор таъсис дода шудааст, ки бештари он дар бахши воқеӣ асосан ба соҳаҳои кишоварзӣ, шикор, ҷангал ва моҳипарварӣ, саноати истихроҷи канданиҳои фоиданок, саноати коркард ва таъмини неруи барқ рост меояд. Дар ин хусус имрӯз зимни баргузории нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода иттилоъ дод.
Тавре иброз гардид, давоми се моҳи соли равон аз тарафи шахсони ҳуқуқӣ ва воқеӣ 42 812 ҷойи нави корӣ, иловагӣ ва барқароршуда таъсис дода шудааст, ки аз он 44 фоиз ҷойи кори доимӣ, 26,1 фоиз ҷойи кори муваққатӣ ва 28,1 фоиз ҷойи кори мавсимӣ мебошад.
Иброз гардид, ки дар давраи ҳисоботӣ дар заминаи Муассисаи давлатии «Маркази рушди ҳунармандӣ ва малакаҳои касбии муосир», марказҳои таълимии низоми Агентии меҳнат ва шуғли аҳолии вазорат ва дигар муассисаҳои таълимии дар ҷумҳурӣ фаъолиятдошта 36 294 нафар ба даврҳои кӯтоҳмуддати тайёрии касбӣ ва Тартиби амалисозӣ ва расмиёти эътирофи салоҳияти калонсолон ва валидатсия ҷалб гардиданд.
Дар ин давра тавассути марказҳои рушди малакаҳои касбӣ, касбомӯзӣ ва хизматрасонӣ 961 нафар ба касбомӯзӣ аз рӯйи 18 касб, инчунин омӯзиши забонҳои русӣ, англисӣ ва кореягӣ фаро гирифта шуданд. Дар маҷмуъ, дар шашмоҳаи аввали соли равон 2777 нафар тавассути муассисаҳои таълимии низоми вазорат ба забономӯзӣ ҷалб гардиданд.
Солеҳа Холмаҳмадзода баён намуд, ки мувофиқи маълумоти оморӣ, дар ҷумҳурӣ шумораи ҳунармандон 19 257 нафарро ташкил медиҳад. Дар давраи ҳисоботӣ бо мақсади эҳё ва рушди ҳунарҳои мардумӣ дар муассисаҳои таълимии вазорат 6604 нафар ба омӯзиши ҳунарҳои мардумӣ ҷалб гардид.
Шаҳлои САДРИДДИН,
АМИТ «Ховар»
АКС: АМИТ «Ховар»
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
