Саҳми Хазинаи байналмилалии асъор дар татбиқи ислоҳот ва рушди бахши молиявии Тоҷикистон муҳим аст
ДУШАНБЕ, 24.07.2025 /АМИТ «Ховар»/. Бонки миллии Тоҷикистон ба фаъолияти Хазинаи байналмилалии асъор ҳамчун шарики стратегии мамлакат дар мусоидат ба рушди устувори иқтисодӣ баҳои баланд медиҳад. Ин нуктаро Раиси Бонки миллии Тоҷикистон Фирдавс Толибзода зимни мулоқот бо намояндаи доимии Хазинаи байналмилалии асъор дар Ҷумҳурии Тоҷикистон Гази Шбакайт, ки нав ба ин вазифа таъйин гардидааст, иброз намуд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки Фирдавс Толибзода аз ҳамкории судманди Хазинаи байналмилалии асъор ва дастгирии ин ниҳоди бонуфузи байналмилалии молиявӣ дар рушди иқтисодиёти мамлакат изҳори қаноатмандӣ намуд.
Дар идома ҷонибҳо оид ба нишондиҳандаҳои оморӣ ва тамоюли мусбати рушди иқтисодӣ дар Ҷумҳурии Тоҷикистон, раванди Барномаи фишанги ҳамоҳангсозии сиёсат (PCI) ҳамчун воситаи муҳими пешбурди ислоҳоти сохторӣ, такмили сиёсати пулию қарзӣ ва дигар самтҳои ҳамкорӣ мубодилаи афкор намуданд.
Хазинаи байналмилалии асъор ба Ҷумҳурии Тоҷикистон беш аз 30 сол аст, ки дар татбиқи ислоҳот, таҳкими суботи макроиқтисодӣ ва рушди бахши молиявӣ ҳамаҷониба кумак мерасонад. Барномаҳои муштарак ва машваратҳо бо коршиносони Хазинаи байналмилалии асъор имкон доданд, ки дар шароити душвор ҳам устувории иқтисодӣ нигоҳ дошта шавад.
Бо назардошти ин ҷонибҳо изҳор доштанд, ки минбаъд низ ҳамкорӣ тақвият хоҳад ёфт.
АКС: Бонки миллии Тоҷикистон
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
