«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
ДУШАНБЕ, 10.07.2025 /АМИТ «Ховар»/. Ширкати ҳавопаймоии «Сомон Эйр» аз барқарории парвозҳои мустақим дар ду хатсайри байналмилалӣ — Душанбе — Теҳрон — Душанбе ва Душанбе — Ҷидда — Душанбе иттилоъ медиҳад.
Тибқи иттилои манбаъ, 14 июли соли 2025 парвозҳои мунтазам дар хатсайри Душанбе — Теҳрон — Душанбе аз нав оғоз гардида, парвозҳо ҳафтае ду маротиба – рӯзҳои душанбе ва ҷумъа анҷом дода мешаванд, ки ба мусофирон имконияти муносибро барои сафарҳои кориву сайёҳӣ байни Тоҷикистону Эрон фароҳам меорад.
Вақти парвоз аз фурудгоҳи Душанбе дар рӯзҳои душанбе 09:10 ва дар самти баргашт 11:00 бо вақти маҳаллӣ муқаррар шудааст. Рӯзҳои ҷумъа вақти парвоз аз Душанбе 11:00, аз Теҳрон 13:50 мебошад.
Инчунин аз 20 июли соли 2025 «Сомон Эйр» парвозҳоро дар хатсайри Душанбе — Ҷидда — Душанбе ба роҳ мемонад. Парвозҳо ҳафтае як маротиба дар моҳи июл рӯзҳои якшанбе ва минбаъд ҳафтае ду маротиба рӯзҳои ҷумъа ва якшанбе анҷом дода мешаванд. Вақти парвоз аз Душанбе 23:00, аз Ҷидда 04:00 муайян шудааст.
«Хушҳолем, ки парвозҳо дар ин хатсайрҳо барқарор мешаванд ва мусофиронамон имкони истифода аз парвозҳои бароҳати байналмилалиро пайдо менамоянд. Итминон дорем, ки барқарории ин хатсайрҳо ба таҳкими робитаҳои иқтисодӣ ва фарҳангии байни кишварҳо мусоидат хоҳад кард», – мегӯяд Директори генералии ширкати ҳавопаймоии «Сомон Эйр» Абдулқосим Валиев.
Ширкати ҳавопаймоии «Сомон Эйр» аз соли 2008 дар бозори байналмилалӣ муваффақона фаъолият намуда, узви Ассосиатсияи байналмилалии нақлиёти ҳавоӣ (IATA) мебошад. Парки ширкат аз ҳавопаймоҳои навъи Боинг 737-800 ва Боинг 737-900 иборат аст. «Сомон Эйр» ба тавсеаи шабакаи парвозҳо ва парки ҳавопаймоӣ нигаронида шудааст ва дар айни замон парвозҳои мунтазамро аз Тоҷикистон ба Олмон, Амороти Муттаҳидаи Араб, Туркия, Чин, Арабистони Саудӣ, Эрон, Ҳиндустон, Русия, Қазоқистон, Узбекистон ва Қирғизистон анҷом медиҳад.
АКС аз манбаъҳои боз
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
