Татбиқи лоиҳаҳои афзалиятноки Тоҷикистон бо Бонки ҷаҳонӣ барои Осиёи Марказӣ баррасӣ гардид
ДУШАНБЕ, 21.07.2025 /АМИТ «Ховар»/. Имрӯз дар Душанбе зимни мулоқоти Вазири молияи Ҷумҳурии Тоҷикистон Файзиддин Қаҳҳорзода ва Директори навтаъйини минтақавии Бонки ҷаҳонӣ барои Осиёи Марказӣ Наҷӣ Бенҳасин ҷонибҳо аз сатҳи баланди ҳамкории стратегии Тоҷикистон ва Бонки ҷаҳонӣ изҳори қаноатмандӣ намуда, саҳми беназири бонкро дар татбиқи беш аз 100 лоиҳаи иқтисодию иҷтимоӣ дар ҷумҳурӣ ба маблағи умумии қариб 3,3 миллиард доллари амрикоӣ таъкид намуданд.
Тавре АМИТ «Ховар» бо истинод ба Вазорати молия хабар медиҳад, дар мулоқот таваҷҷуҳи хос ба лоиҳаҳои афзалиятноки ҷумҳурӣ, аз ҷумла Неругоҳи барқи обии «Роғун» равона гардида, зарурати суръатбахшии ҷудо намудани маблағҳои грантӣ ва иҷрои саривақтии шартҳои созишномаи молиявии он мавриди баррасӣ қарор гирифт.
Илова бар ин, пешниҳод гардид, ки марҳилаи дуюми Барномаи «Дастгирии сиёсати рушди устувор — Тоҷикистони рақобатпазир ва фарогир» (DPO) дар ҳаҷми 50 миллион доллари амрикоӣ тавассути механизми кафолати қарзӣ амалӣ карда шавад. Ин барои ҷалби бештари маблағгузорӣ ба соҳаҳои иҷтимоию иқтисодии мамлакат имкон фароҳам меорад.
Ҳамзамон ҷонибҳо татбиқи «Омодасозии маблағгузории фаврӣ дар ҳолатҳои фавқулода» (Cat-DDO) ва натиҷаҳои мусбати ҷаласаҳои доимии баррасии портфели лоиҳаҳоро иброз намуданд. Вазири молия зарурати ҳарчи зудтар таъйини директори нави кишварии бонкро дар Тоҷикистон таъкид намуда, онро омили муҳими самаранокии татбиқи лоиҳаҳо арзёбӣ намуд.
Дар фарҷом ҷонибҳо барои густариши минбаъдаи ҳамкорӣ ва татбиқи Ҳадафҳои рушди устувор изҳори омодагӣ намуданд.
АКС: Вазорати молияи Ҷумҳурии Тоҷикистон
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
