ҲУКУМАТИ ЭЛЕКРОНӢ. Вазорати меҳнат, муҳоҷират ва шуғли аҳолӣ ба самти инноватсионии рақамӣ мегузарад
ДУШАНБЕ, 30.07.2025. /АМИТ «Ховар»/. Дар Вазорати меҳнат, муҳоҷират ва шуғли аҳолии Ҷумҳурии Тоҷикистон «Лоиҳаи навсозии ҳифзи иҷтимоӣ ва ҳамгироии иқтисод»-и Бонки ҷаҳонӣ амалӣ карда мешавад. Дар доираи он вазорат пурра ба самти инноватсия гузашта, тамоми сохторҳои он дар шаҳру ноҳияҳои мамлакат мутамарказ гардонида мешаванд. Дар ин хусус имрӯз зимни баргузории нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода иттилоъ дод.
Солеҳа Холмаҳмадзода изҳор намуд, ки талаботи пешрафти тамоми давлатҳои мутараққӣ, аз ҷумла Ҷумҳурии Тоҷикистон- ин гузаштан ба ҳукумати электронӣ ва инноватсия ба шумор меравад. «Дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ солҳои 2025-2030 Солҳои рушди иқтисоди рақамӣ ва инноватсия эълон гардиданд. Дар ин самт дар Вазорати меҳнат, муҳоҷират ва шуғли аҳолии Ҷумҳурии Тоҷикистон нақшаи чорабиниҳо барои гузаштан ба ҳукумати электронӣ аллакай амалӣ мешавад. Ба тамоми маводе, ки ба унвони вазорат меоянд, ба тариқи электронӣ посух дода мешавад. Ҳамзамон дар ҳамкорӣ бо Агентии инноватсия ва технологияҳои рақамии назди Ҳукумати Ҷумҳурии Тоҷикистон нақшаи чорабиниҳоро таҳия ва амалӣ намуда истодаем. Мутахассисон барои корбарӣ намудан дар самти инноватсия ва иқтисоди рақамӣ пурра омӯзонида мешаванд»,-баён дошт вазир.
Иброз гардид, ки Лоиҳаи ҳамгироии иқтисодии Бонки ҷаҳонӣ дар назди Вазорати меҳнат, муҳоҷират ва шуғли аҳолии Ҷумҳурии Тоҷикистон амалӣ мешавад, ки он ба татбиқ ва гузариш ба ҳукумати электронӣ ва инноватсия равона карда шудааст. Бо амалишавии ин лоиҳа чигунагии омор, дурустии омор, омори муайян ва мушаххас, ки бояд ҳар вазорату идораи дахлдор дошта бошанд, аз ҷумла дар самти меҳнат ҳамаи он электронӣ ва мушаххас тақсимбандӣ карда мешавад.
Солеҳа Холмаҳмадзода баён дошт, ки дар ин самт бо татбиқи ин лоиҳа, ки бевосита ба самти иқтисоди рақамию инноватсия равона гардидааст, серверҳо дар бинои асосии вазорат ва ҳамзамон Агентии меҳнат ва шуғли аҳолӣ гузошта мешаванд.
«Вақте ки пурра таҷҳизот насб гардид, вазорат ва сохторҳои он дар шаҳру ноҳияҳои ҷумҳурӣ имкон доранд бо ҳам пайваст шуда, мутамарказ гарданд. Муҳлати лоиҳа ҳоло идома дорад. Мо қадамҳои нахустинро оғоз намудем ва ба Ҳукумати электронӣ гузаштем. Дар мавриди амалишавии лоиҳа мо имкон дорем тамоми омори мушаххас ва дақиқро аз система дарёфт намоем», — афзуд Вазири меҳнат, муҳоҷират ва шуғли аҳолии мамлакат.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
