Заминҳои назди бинои муассисаву идораҳои шаҳри Норак самаранок истифода мешаванд
ДУШАНБЕ, 10.07.2025 /АМИТ «Ховар»/. Имрӯзҳо дар шаҳру ноҳияҳои ҷумҳурӣ вобаста ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар самти истифодаи самараноки замин, бахусус заминҳои наздиҳавлигӣ бо усули «Деҳа ба деҳа», «Маҳал ба маҳал» ва «Хона ба хона» корҳои фаҳмондадиҳӣ ҷараён доранд. Дар шаҳри Норак низ гурӯҳи корӣ ташкил гардидааст, ки бо сокинон оид ба истифодаи самараноки замин суҳбату вохӯриҳо мегузаронад.
Тавре аз Мақомоти иҷроияи ҳокимияти давлатии шаҳри Норак ба АМИТ «Ховар» хабар доданд, гурӯҳи корӣ ин навбат бо фаъолияти заминҳои наздимуассисавии Гимназияи давлатии №1-и шаҳри Норак шинос гардид.
Иттилоъ дода шуд, ки дар заминҳои наздимуассисавӣ маҳсулоти ниёзи аввал, аз ҷумла картошка, пиёз, булғорӣ, помидор, бодиринг, ҷуворимакка ва лубиёгӣ кишт карда мешавад.
Масъулин талош менамоянд, ки замини наздимуассисавиро самарнок истифода намоянд. Маҳз кушишҳои онҳо аст, ки ҳамасола аз ин заминҳо ҳосили фаровон ба даст меоранд.
Бояд гуфт, ки рушди кишоварзӣ ва аз ин ҳисоб боло рафтани сатҳи зиндагии мардум аз муносибати оқилона ба замин вобаста аст. Президенти Ҷумҳурии Тоҷикистон муҳтарам Эмомалӣ Раҳмон ба масъалаи истифодаи самаранок ва оқилонаи обу замин таваҷҷуҳи хосса зоҳир менамоянд. Дар ин замина, Пешвои миллат муҳтарам Эмомалӣ Раҳмон пайваста дастуру супориш медиҳанд, ки сохтору мақомоти дахлдор, соҳибкорону роҳбарони хоҷагиҳои деҳқонӣ ва кулли шаҳрвандони мамлакат вазифадоранд, ки истифодаи самараноку сарфакоронаи обу замин, хусусан, заминҳои наздиҳавлигӣ ва президентӣ, васеъ ва ҳатман анҷом додани кишти такрориро таъмин намоянд.
АКС: Мақомоти иҷроияи ҳокимияти давлатии шаҳри Норак
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
