Ҳамкории Тоҷикистон бо Барномаи рушди СММ дар соҳаи ҷавонон ва варзиш тақвият меёбад
ДУШАНБЕ, 09.08.2025. /АМИТ «Ховар»/. 8 август дар шаҳри Душанбе Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода бо роҳбари нави Барномаи рушди Созмони Милали Муттаҳид дар Ҷумҳурии Тоҷикистон Судипто Мукерҷӣ мулоқот намуд, ки зимни он дурнамои ҳамкории минбаъда баррасӣ карда шуд. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Раиси Кумита Барномаи рушди Созмони Милали Муттаҳидро яке аз шарикони боэътимод дар татбиқи сиёсати давлатии кор бо ҷавонон ва рушди соҳаи варзиш номида, дастовардҳои муштаракро дар соли 2025 ёдовар шуд. Аз ҷумла, гуфта шуд, ки бо дастгирии Барномаи рушди Созмони Милали Муттаҳид 7 гӯшаи эҷодӣ дар марказҳои ҷавонони мамлакат таъмир ва бо техникаи муосир муҷаҳҳаз гардида, майдончаи варзишӣ дар ноҳияи Рӯшон таъмир карда шуд. Ҳамзамон бо иштироки муштараки ҷавонон якчанд чорабинии муҳим доир карда шуд.
Зимни мулоқот вобаста ба тақвияти ҳамкории минбаъда чанд пешниҳод, аз ҷумла доир ба идома додани кори муштарак оид ба рушди инфрасохтор барои ҷавонон ва варзишгарон, татбиқи лоиҳаҳо оид ба баланд бардоштани малакаҳои ҷавонон, пешгирии шомилшавии ҷавонон ба гурӯҳҳои террористию ифротгароӣ, дастгирии ташаббусҳои сулҳовар ва таҳкими иҷтимоии ҷавонон, манзур карда шуд.
Ҷонибҳо барои идомаи ҳамкории мутақобили судманд изҳори омодагӣ намуда, таъкид карданд, ки лоиҳаҳои муштараки оянда барои рушди иқтидори ҷавонон ва васеъ намудани имкониятҳои онҳо мусоидат хоҳанд кард.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
