Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
ДУШАНБЕ, 13.08.2025 /АМИТ «Ховар»/. Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин карда мешаванд.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Мастчоҳ хабар доданд, бо ташаббуси сокинони маҳаллаи Деҳқонободи шаҳраки Бӯстони ноҳия кофтани чоҳи амудӣ барои таъмини мунтазам бо оби нӯшокӣ оғоз ёфт. Бо анҷоми он зиёда аз 50 хонаводаи кӯчаи Умари Хайёми маҳаллаи Деҳқонобод ва Муассисаи таҳсилоти миёнаи умумии рақами 14-и шаҳраки Бӯстон бо оби тоза таъмин карда мешаванд.
Сокинони ин маҳалла солҳои охир аз норасоии оби нӯшокӣ танқисӣ мекашиданд. Аҳолии ин маҳал давоми як шабонарӯз ҳамагӣ 2-4 соат ба об дастрасӣ доштанду халос. Сабаби асосии норасоии об дар фасли тобистон кам шудани миқдори об ва маҳдуд будани иқтидори шабакаи обтаъминкунӣ дар маҳалла мебошад, ки боиси танқисии ҷиддии оби нӯшокӣ барои сокинон гардидааст.
Бо дарки зарурати ҳалли мушкилӣ аҳолӣ сарҷамъона маблағ ҷамъ оварда, иқдоми некро амалӣ намуданд.
Сокинони кӯчаи Умари Хайёми маҳаллаи Деҳқонобод умедворанд, ки бо ба истифода додани чоҳи амудӣ на танҳо мушкили чандинсолаи онҳо пурра рафъ мегардад, балки сифати хизматрасонии обтаъминкунӣ дар маҳалла низ ба таври назаррас беҳтар мешавад.
АКС: Мақомоти иҷроияи ҳокимияти давлатии ноҳияи Мастчоҳ
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
