Дар Душанбе дар мавзуи «Навсозии Чин» конференсия баргузор гардид
ДУШАНБЕ, 27.08.2025 /АМИТ «Ховар»/. 26 август дар Донишгоҳи техникии Тоҷикистон ба номи академик Муҳаммад Осимӣ таҳти унвони «Навсозии Чин» конференсия баргузор шуд, хабар медиҳад АМИТ «Ховар» бо истинод ба ин донишгоҳ.
Таъкид гардид, ки лоиҳаҳои дуҷониба, ки ба навсозии ҳарду мамлакат мусоидат менамоянд, боз ҳам фаъолтар рушд намуда, дар доираи ҳамкории муштарак оид ба сохтмони «Камарбанд ва роҳ» миқёси ҳамкории иқтисодии Тоҷикистон ва Чин пайваста афзоиш меёбад. Ҷонибҳо ҳамкориро дар соҳаҳои манбаъҳои нави энергия, иқтисоди рақамӣ, зеҳни сунъӣ ва тиҷорати электронӣ афзал шуморида, барои пешбурди чунин самтҳо изҳори назар намуданд.
Дар ҳамоиш байни Донишгоҳи техникии Тоҷикистон ва Донишгоҳи Тсинхай ва Донишгоҳи касбӣ-техникии Тсинхай Ёддошти тафоҳум ба имзо расонида шуд. Он самтҳои муҳими ҳамкориро байни ин муассисаҳои таълимӣ густариш медиҳад.
Меҳмонон инчунин бо Маркази таҷрибавӣ ва таълимоти касбии Тоҷикистону Чин – коргоҳи Лубан, ки соли 2022 дар доираи амалишавии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар заминаи Донишгоҳи техникии Тоҷикистон бунёд карда шудааст, шинос шуданд. Меҳмонон ба натиҷаи фаъолияти ин коргоҳ баҳои баланд доданд.
АКС: Донишгоҳи техникии Тоҷикистон ба номи академик Муҳаммад Осимӣ
Имрӯз дар Тоҷикистон ҳавои камабри бебориш пешгӯӣ мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
