Дар Хуҷанд Маҷмааи бисёрошёнаи «Темурмалик» бунёд карда мешавад
ДУШАНБЕ, 31.08.2025. /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Хуҷанд Маҷмааи истиқоматии бисёрошёнаи «Темурмалик» сохта мешавад. Бунёди ин иншоот бо ҷалби сармояи хориҷӣ ва истифодаи таҷрибаи беҳтарини меъморӣ идома дорад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Хуҷанд иттилоъ доданд.
Ҳангоми тарҳрезӣ ва сохтмон тамоми талаботи замон ва шароити мусоид барои сокинон ба назар гирифта шудааст. Дар маҷмаа на танҳо манзилҳои истиқоматӣ, балки инфрасохтори пурра барои зиндагӣ ва фароғати сокинон низ пешбинӣ карда шудааст. Аз ҷумла, ҳавзи шиноварии пӯшида, ҳаммом, толори фитнес, таваққуфгоҳи пӯшида, боғчаи кӯдакона, майдончаҳои бозии кӯдакон, мавзеи фароғати калонсолон ва ҷойи истироҳати аҳолӣ бунёд карда мешаванд. Ҳамин тавр, сокинони назди ин маҷмаа метавонанд тамоми ниёзҳои рӯзмарраи худро қонеъ созанд.
Масоҳати умумии маҷмаа 18 ҳазор метри мураббаъро ташкил медиҳад. Лоиҳа манзилҳои як, ду, се, чор ва панҷҳуҷрагиро фаро мегирад, ки масоҳаташон аз 50 то 330 метри мураббаъ аст. Дар маҷмуъ, ба сокинон 650 хонаи замонавӣ пешниҳод карда мешавад. Корҳои сохтмонӣ моҳи декабри соли 2024 оғоз ёфта, тибқи нақша, моҳи декабри соли 2030 ба анҷом мерасанд.
АКС: Мақомоти иҷроияи ҳокимияти давлатии шаҳри Хуҷанд
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
