Дар ноҳияи Ашт муассисаҳои томактабӣ навсозӣ карда мешаванд
СУҒД, 13.08.2025 /АМИТ «Ховар»/. Сокинони ташаббускор ва соҳибкорони деҳаи Бахмали Ҷамоати деҳоти Меҳрободи ноҳияи Ашт иқдом гирифтаанд, ки бинои дуошёнаи муассисаи томактабии солҳои пеш аз фаъолиятмондаи деҳаро таъмиру тармим ва навсозӣ намуда, мавриди истифода қарор диҳанд. Дар ин хусус ба АМИТ «Ховар» аз хадамоти матбуоти Раиси ноҳияи Ашт хабар доданд.
Зимни мулоқот бо сокинони деҳа Раиси ноҳияи Ашт Шуҳрат Муҳаммадзода барои ободонию бунёдкорӣ ва сарҷамъию ташаббусҳои фаъолона ба мардуми деҳаи Бахмали Ҷамоати деҳоти Меҳробод миннатдорӣ баён карда, дастгирии доимии мақомоти иҷроияи ҳокимияти давлатии ноҳияро иброз намуд. Изҳори боварӣ карда шуд, ки бо сарҷамъии мардум дар муҳлати кӯтоҳ бинои муассиса таъмиру тармим ва навсозӣ карда мешавад.
Барои татбиқи амалии дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон бобати бунёди муассисаҳои томактабӣ, ки ҳадаф аз он фарогирии бештари кӯдакон ба таълиму тарбияи томактабӣ, дастрасӣ ба таҳсили босифат ва таъмини шарикии бахшҳои давлатӣ ва хусусӣ мебошад, корҳои назаррас иҷро карда шудаанд.
Ҳамзамон барои сари вақт сохтан ва ба истифода додани ин иншоот чун армуғони идона ба ҷашни пуршукуҳи 35-солагии Истиқлоли давлатии Ҷумҳурии Тоҷикистон тадбирҳои зарурӣ андешида мешаванд.
АКС: Хадамоти матбуоти Раиси ноҳияи Ашт
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
