Дар ноҳияи Шаҳристон доир ба Ваҳдати миллӣ чун рукни асосии ташаккули ҷомеа ва давлат вохӯрӣ баргузор шуд
ДУШАНБЕ, 06.08.2025. /АМИТ «Ховар»/. 5 август бо ибтикори Ҳаракати ваҳдати миллӣ ва эҳёи Тоҷикистон дар ҳамкорӣ бо Мақомоти иҷроияи ҳокимияти давлатии вилояти Суғд бо сокинони ноҳияи Шаҳристон дар мавзуи «Ваҳдати миллӣ — рукни асосии ташаккули ҷомеа ва давлат» вохӯрӣ баргузор гардид. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Зимни вохӯрӣ бо сокинон иброз гардид, ки Ваҳдати миллӣ ҳамчун омили муҳими субот ва рушди устувор дар маркази сиёсати давлат қарор дорад. Таъмини сулҳ ва ҳамдигарфаҳмии доимӣ кафили амният ва зиндагии шоистаи мардум мебошад.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам изҳор дошт, ки таҳкими Ваҳдати миллӣ аз масъулияти ҳар шаҳрванди бедордил сарчашма мегирад. Роҳ ба сӯи ояндаи дурахшон танҳо аз ҳамдигарфаҳмӣ ва ҳамдастӣ мегузарад. Таъкид гардид, ки таҷрибаи сулҳофаринии Тоҷикистон барои миллати тоҷик неъмати бузург аст, ки бояд чун гавҳараки чашм ҳифз гардад. Мубориза бо хурофот, таассуб ва тундгароӣ бояд пайваста ва бо истифода аз воситаҳои муассири маърифатӣ ба роҳ монда шавад.
Вобаста ба таъмини адолат ва эҳтироми қонунҳо дар ҷомеа иброз шуд, ки қонун ва тартиботи ҳуқуқӣ пояҳои асосии давлатдории муосир мебошанд, ки танҳо дар фазои ваҳдат ва суботи сиёсӣ рушд меёбанд. Дар ин маврид ниҳодҳои ҳифзи ҳуқуқ бояд дар ҳимояи манфиатҳои миллӣ ва таъмини амнияти ҷомеа нақши фаъол дошта бошанд.
«Насли наврасу ҷавон бояд дар руҳияи ватандӯстӣ, хештаншиносӣ ва эҳтироми арзишҳои миллӣ тарбия ёбад. Ҷавонон неруи пешбарандаи давлат ва посдорони Ваҳдати миллӣ ҳастанд. Аз ин рӯ бо таъсиси шароити мусоид барои таҳсил, касбомӯзӣ ва рушди шахсӣ метавон ҷавононро аз гароиш ба гурӯҳҳои ифротгаро эмин нигоҳ дошт», -иброз гардид зимни вохӯрӣ бо сокинони ноҳияи Шаҳристон.
Иштирокчиёни вохӯрӣ бо намоиши дастовардҳои ноҳияи Шаҳристон шинос гардиданд. Ҳамзамон ба ятимони кулл ва шахсони маъюб аз ҷониби Ҳаракати ваҳдати миллӣ ва эҳёи Тоҷикистон туҳфаҳо тақдим карда шуданд. Инчунин ба китобхонаи ноҳияи Шаҳристон ҷилди китобҳои «Ваҳдат, Давлат, Президент» тақдим гардид.
АКС: Хадамоти матбуоти Раиси вилояти Суғд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
Ҷаласаи навбатии Шурои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон доир шуд
НИШАСТИ МАТБУОТӢ. Дар Тоҷикистон қарздорӣ аз пардохти нафақа вуҷуд надорад
Бартарафсозии оқибатҳои сел дар Рӯшон таҳти назорати Ҳукумати Тоҷикистон қарор дорад
