Дар шаҳри Хуҷанд ҳафтаи «Ҳаводорони илми афлок» оғоз гардидааст
ДУШАНБЕ, 06.08.2025. /АМИТ «Ховар»/. Бахшида ба 34-солагии Истиқлолияти давлатӣ аз 5 то 10 август дар Боғи Абӯмаҳмуди Хуҷандии шаҳри Хуҷанд ҳафтаи «Ҳаводорони илми афлок» гузаронида мешавад. Меҳмонон ва сокинон имкон доранд аз тасвири зиндаи радифи Замин — Моҳ ва сайёраҳои системаи офтобӣ баҳравар гарданд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Хуҷанд хабар доданд.
Дар ин рӯзҳо намоиши хиёбонии Моҳ ва сайёраҳо тавассути телескопҳои диҷетолӣ ва рақамӣ ташкил карда мешавад.
Ҳамарӯза соатҳои 21:00 ва 22:00 дар толори осмони ситоразор филмҳои илмӣ низ намоиш дода мешаванд.
5 август- дар рӯзи оғози ин чорабинӣ иштирокчиён на танҳо аз телескоп бо сайёраҳои системаи офтобӣ шинос шуданд, балки садоҳои ҳар сайёраро аз тариқи барномаи махсус шунида, филмҳои илмиро тамошо карданд.
Ҳамзамон 7 рӯз барои кӯдакон баргузории фестивалҳои роботатехникӣ, ракета-шоу, авиамоделӣ ва аквагрим низ ба нақша гирифта шудааст.
Ҳаводорони илми афлок, меҳмонону сокинони вилояти Суғд ва шаҳри Хуҷанд метавонанд давоми ҳафта ба Планетарияи ба номи Абӯмаҳмуди Хуҷандӣ дар Боғи Абӯмаҳмуди Хуҷандӣ омада, намоиши барномаҳоро ройгон тамошо намоянд.
АКС: Мақомоти иҷроияи ҳокимияти давлатии шаҳри Хуҷанд
Пешвои миллат Эмомалӣ Раҳмон дар шаҳри Душанбе барои бунёди калонтарин Маҷмааи хизматрасонӣ сангӣ асос гузоштанд
Дар шаҳри Душанбе маҳфили «Шоҳномахонӣ» баргузор шуд
«ҲЕҶ НЕЪМАТ БЕҲ ЗИ ИСТИҚЛОЛ НЕСТ». Дар шаҳри Ҳисор конфронси ҷумҳуриявӣ доир шуд
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
ИСТИҚЛОЛИЯТ — НЕЪМАТИ БЕБАҲО. Бахшида ба 35-солагии Истиқлоли давлатии Тоҷикистон ҳамоиш баргузор шуд
ДЕВДАРА ГУЛДАРА ШУД! Ва ё чӣ тавр бо талоши Пешвои миллат он роҳи камраву касногузар ба шоҳроҳи ваҳдат табдил ёфт
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
Президенти Ҷумҳурии Тоҷикистон Эмомалӣ Раҳмон ба кормандони сохторҳои қудратӣ ва низомӣ мукофотҳои давлатӣ ва унвону рутбаҳои махсус супориданд
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
