Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
ДУШАНБЕ, 04.08.2025. /АМИТ «Ховар»/. Дар шашмоҳаи якуми соли 2025 шумораи умумии ғарқшудагон дар ҷумҳурӣ 91 нафарро ташкил дод, ки нисбат ба ҳамин давраи соли 2024 5 нафар зиёд мебошад. Дар давраи ҳисоботӣ шумораи бештари ҳодисаҳои ғарқшавӣ дар вилоятҳои Хатлон, Суғд ва Вилояти Мухтори Кӯҳистони Бадахшон ба қайд гирифта шудааст. Дар ин хусус имрӯз зимни нишасти матбуотӣ Раиси Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон Раҷабалӣ Раҳмоналӣ иттилоъ дод.
«Таҳлилҳо нишон медиҳанд, ки сабабҳои асосии ғарқшавии шаҳрвандон беэҳтиётӣ, риоя накардани қоидаҳои оббозӣ, беназоратии волидайн, омилҳои номаълум, садамаҳои нақлиётӣ, худкушӣ ва ҳолатҳои мастӣ мебошанд»,-иброз дошт Раҷабалӣ Раҳмоналӣ.
Иттилоъ дода шуд, ки дар мавсими имсолаи оббозӣ наҷотдиҳандагони кумита 20 нафарро аз ғарқшавӣ ва марг наҷот доданд.
«Ҳарчанд дар шаҳру ноҳияҳои мамлакат мавзеъҳои оббозӣ муайян гардидаанд, аммо, мутаассифона, аксари кӯдакону наврасон ва калонсолон дар ҷойҳои манъшуда ба оббозӣ машғул мешаванд, ки дар натиҷа ҳодисаҳои нохуш ба вуқуъ меоянд. Дар ҷойҳое, ки барои оббозӣ тавсия дода шудаанд, ягон ҳолати ғарқшавӣ ба қайд гирифта нашудааст»,-баён дошт Раиси Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон.
Барои коҳиши ҳодисаҳои ғарқшавӣ ва ҳолатҳои фавт бар асари ғарқшавӣ аз ҷониби гурӯҳҳои кории кумита пайваста корҳои фаҳмондадиҳӣ ва тадбирҳои пешгирӣ гузаронида мешаванд. Новобаста аз ин, мутаассифона, ҳоло ҳам ҳолатҳои зиёди ғарқшавӣ ба назар мерасанд.
Моҳинави НАВРӮЗ,
АМИТ «Ховар»
АКС: АМИТ «Ховар»
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
