Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
ДУШАНБЕ, 06.08.2025 /АМИТ «Ховар»/. Маърузаи доктори илмҳои санъатшиносӣ Аслиддин Низомов дар мавзуи «Масъалаҳои ҳифз ва рушди анъанаҳои миллии фарҳанг ва санъат дар шароити замони ҷаҳонишавӣ» дар Қирғизистон беҳтарин ҳисобида шуда, бо ҷоизаи махсус ва 50 ҳазор сом қадрдонӣ карда шуд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, 1-2 август дар шаҳри Чолпон-Отаи Ҷумҳурии Қирғизистон доир ба масъалаи ҳифз ва рушди анъанаҳои фарҳанг ва санъат дар ҷаҳон фестивали ҷаҳонӣ ва конгресси илмӣ баргузор гардид. Дар конгресс намояндагони 30 давлати дунё дар бахши илмӣ ва ҳунарӣ иштирок намуданд. Олимон, коршиносони соҳаи фарҳанг ва санъати олам 120 маъруза пешниҳод намуданд.
Мудири шуъбаи санъатшиносии Академияи миллии илмҳои Тоҷикистон Аслиддин Низомов дар ҷаласаи ифтитоҳӣ дар мавзуи «Масъалаҳои ҳифз ва рушди анъанаҳои миллии фарҳанг ва санъат дар шароити замони ҷаҳонишавӣ» маъруза намуд. Ҳамзамон хулоса ва пешниҳодҳои олими тоҷик мавриди баррасӣ қарор гирифта, бо қарори Шурои байналмилалӣ ин маъруза беҳтарин ҳисобида шуд.
Дар қатъномаи конгресс иброз гардид, ки минбаъд дар сатҳи мактабҳои олии минтақа «Таърихи фарҳанги мардумони Осиёи Марказӣ» ҳамчун фанни асосӣ ворид карда шавад.
АКС: Академияи миллии илмҳои Тоҷикистон
Намояндаи Ҳизби Коммунистии Чин дар Осорхонаи миллии Тоҷикистон бо таъриху фарҳанги тоҷикон шинос шуд
Узви Раёсати Ҳизби «Ени Озарбойҷон» дар Осорхонаи миллӣ бо тамаддуни қадимаи тоҷикон шинос гардид
Дар Теҳрон китоби «Каманди зулф»-и Зулфия Атоӣ рӯнамоӣ гардид
РОБИАИ БАЛХӢ – НАХУСТБОНУИ СОҲИБДЕВОНИ АДАБИЁТИ ТОҶИКУ ФОРС. Дар Душанбе конференсияи байналмилалӣ баргузор шуд
Бахшида ба 35-солагии Истиқлолияти давлатӣ китоби «Хуттали Қадим» аз чоп баромад
Бахшида ба фаъолияти соҳаи метрологияи тоҷик Конференсияи байналмилалии илмӣ-назариявӣ баргузор гардид
Ҳунармандони тоҷик дар Фестивали 4-уми байналмилалии театрҳои лӯхтак иштирок намуданд
Дар Душанбе Рӯзҳои фарҳанги шаҳри Турсунзода ва ноҳияҳои Қубодиён, Рӯдакӣ, Спитамен, Шаҳринав ва Панҷ баргузор мешаванд
Тоҷикистон ва Британияи Кабир ҳамкориро дар самти осорхонадорӣ тақвият мебахшанд
Таҳти унвони «Забон — рамзи худшиносӣ ва худогоҳии миллӣ» ҳамоиш баргузор гардид
Дар Душанбе Фестивали фарҳангии Тоҷикистону Корея-2026 баргузор мегардад
Дар Душанбе Рӯзҳои фарҳангии шаҳру ноҳияҳои Тоҷикистон оғоз мегарданд
