НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
ТУРСУНЗОДА, 04.08.2025 /АМИТ «Ховар»/. Дар шаш моҳи соли 2025 ҳаҷми истеҳсоли маҳсулоти саноатӣ дар шаҳри Турсунзода ба як миллиарду 11,8 миллион сомонӣ расид, ки нисбат ба ҳамин давраи соли 2024 181,8 миллион сомонӣ зиёд мебошад. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад. Давоми шаш моҳи соли равон корхонаҳои саноатии шаҳри Турсунзода ба маблағи умумии як миллиарду 331,6 миллион сомонӣ маҳсулот содирот намуданд, ки нисбат ба ҳамин давраи соли 2024 332,9 миллион сомонӣ зиёд мебошад. Ин матлабро Раиси шаҳри Турсунзода Парвиз Акрамзода имрӯз зимни нишасти матбуотӣ баён намуд.
Соли равон кишоварзони шаҳри Турсунзода 26 ҳазору 961 тонна маҳсулоти ғаладонагӣ, 4706 тонна картошка, 67 ҳазору 783 тонна сабзавот, 516 тонна зағер, 2029 тонна маҳсулоти полезӣ, 2174 тонна меваҷот, 461 тонна ангур, 11 тонна асал, 3,6 тонна пилла, 9138 тонна шир, 1445 тонна гӯшт, 2,7 тонна моҳӣ, 1 миллиону 335 ҳазор дона тухм ва дигар намуди маҳсулоти кишоварзӣ истеҳсол намуда, ба бозорҳои мамлакат содирот намуданд. Дар натиҷаи самаранок истифода бурдани заминҳо кишоварзони шаҳри Турсунзода дар нимсолаи аввали соли 2025 дар ҳамаи шаклҳои хоҷагидорӣ ба маблағи умумии 687 миллиону 319 ҳазор сомонӣ маҳсулоти кишоварзӣ истеҳсол намуданд. Ин нисбат ба ҳамин давраи соли 2024 56 миллиону 409 ҳазор сомонӣ сомонӣ зиёд мебошад.
Дар нишасти матбуотӣ иттилоъ дода шуд, ки бахшида ба ҷашни 35-солагии Истиқлоли давлатӣ дар шаҳри Турсунзода дар ҳамкорӣ бо соҳибкорон, фаъолон ва аҳолӣ дар маркази шаҳр ва ҷамоатҳои шаҳраку деҳот бунёду барқарорсозии 459 иншооти мухталиф ба нақша гирифта шудааст. То имрӯз 323 иншоот бо маблағи 357,7 миллион сомонӣ сохта, ба истифода дода шуд. Дар 136 иншооти ҷашнии боқимонда корҳои сохтмонӣ идома доранд.
Барои бартараф кардани мушкилоти норасоии ҷойи нишаст дар муассисаҳои таълимӣ ва таъмини кӯдакон бо муассисаҳои томактабӣ дар ҳудуди шаҳри Турсунзода сохтмони биноҳои иловагӣ дар назди 28 муассисаи таълимӣ бо теъдоди 9360 ҷойи нишаст дар як баст ва 7 муассисаи томактабӣ бо теъдоди 1012 ҷой идома дорад. То охири соли 2025 зиёда аз 7 бинои иловагии муассисаҳои таълимӣ ва муассисаҳои томактабӣ ба истифода дода мешаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
