НИШАСТИ МАТБУОТӢ. Дар шашмоҳаи якуми соли 2025 беш аз 58 ҳазор шаҳрвандон ба нафақа баромадаанд
ДУШАНБЕ, 08.08.2025. /АМИТ «Ховар»/. Дар Тоҷикистон дар шашмоҳаи якуми соли 2025 ба 58 ҳазору 718 нафар шаҳрванд нафақа таъйин гардида, нафақаи 37 ҳазору 217 нафар бо сабабҳои гуногун қатъ карда шуд. Афзоиши шумораи нафақирон дар ин нимсола 21 ҳазору 501 нафарро ташкил дод. Дар ин хусус директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Абдураҳмон Ҳалимзод зимни нишасти матбуотӣ ба суоли хабарнигори АМИТ«Ховар» посух дод.
«Сабабҳои қатъ гардидани нафақаи беш аз 37 ҳазор нафақагирон гуногун аст. Масалан, ба итмом расидани муҳлати нафақаи шаҳрванд, кӯч бастан, вафот кардан ва ғайра. Ҳарчанд солҳои пеш омиле вуҷуд дошт, ки шаҳрванд вафот мекард, аммо ворисонаш чанд муддат маблағи нафақаи ӯро мегирифтанд, ки ин ғайриқонунӣ аст. Дар айни замон бо гузаштан ба ҳукумати электронӣ тамоми маълумоти фавти шаҳрвандон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба мо дастрас мегардад. Дар ин ҳолат нафақаи шаҳрванди вафоткарда муваққатан қатъ гардида, баъд аз гирифтани хати вафоти шаҳрванд нафақааш пурра қатъ карда мешавад»,-изҳор дошт Абдураҳмон Ҳалимзод.
Дар мавриди ҳаҷми даромади буҷети суғуртаи иҷтимоӣ ва нафақа иттилоъ дода шуд, ки он ба андозаи 2 миллиарду 721,7 миллион сомонӣ пешбинӣ гардидааст. Иҷрои он 103,4% таъмин гардидааст, ки нисбат ба нақшаи пешбинишуда 93,1 миллион сомонӣ зиёд мебошад.
Абдураҳмон Ҳалимзод иброз дошт, ки маблағҳои иловагие, ки дар заминаи барзиёд иҷро гардидани нақша ворид гардидаанд, ҳамасола ба зиёдшавии нафақа равона карда мешаванд.
Иттилоъ дода шуд, ки соли равон баъди зиёд кардани нафақаҳо танҳо барои як моҳ қариб 47 миллион сомонӣ маблағи иловагӣ равона карда мешавад.
Моҳинави НАВРӮЗ,
АМИТ «Ховар»
АКС: АМИТ «Ховар»
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
