НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
ДУШАНБЕ, 02.08.2025 /АМИТ «Ховар»/. Имсол донишкадаро 332 нафар донишҷӯ хатм намуда, 9 нафар сазовори дипломи аъло гардид. Дар ин хусус 1 август ректори Донишкадаи давлатии санъати тасвирӣ ва дизайни Тоҷикистон Сироҷиддин Ҷурахонзода иттилоъ дод.
Иброз гардид, ки шумораи донишҷӯёни хориҷии донишкада соли 2025 ба 10 нафар расида, онҳо асосан шаҳрвандони Узбекистон, Қирғизистон ва Афғонистон мебошанд. Аксарияти онҳо дар хобгоҳи донишкада зиндагӣ мекунанд ва раёсати донишкада барои онҳо беҳтарин шароити таҳсилро муҳайё намудааст.
Дар шаш моҳи соли равон дар Донишкадаи давлатии санъати тасвирӣ ва дизайни Тоҷикистон 4 созишномаи ҳамкорӣ ба имзо расид. Созишномаҳо бо Донишгоҳи миллии техникии Беларус, Ҷамъияти саҳомии «Гамма Торговый Дом», Донишгоҳи Кокшета ба номи Абай Мирзахметов (Қазоқистон) ва Академияи миллии санъати Қазоқистон ба номи Темирбек Жургенов ба имзо расиданд.
Сироҷиддин Ҷурахонзода иброз дошт, ки «давоми соли ҳисоботӣ донишҷӯёни мо вобаста ба ихтисос дар минтақаҳои гуногуни ҷумҳурӣ ба таҷрибаомӯзӣ машғул буданд. Яке аз бахшҳои муҳими раванди таълим таҷрибаомӯзии таълимӣ, педагогӣ, истеҳсолӣ, пеш аз рисолаи хатм барои донишҷӯён, магистрон ва омӯзгорон мебошад. Хусусияти эҷодии таҷрибаомӯзӣ ва дар минтақаҳо ташкил намудани он аҳамияти тарғиботӣ низ дошта, таваҷҷуҳи ҷавонону наврасони минтақаҳои гуногуни ҷумҳуриро барои интихоби касби санъати тасвирӣ ва дизайн баланд менамояд».
Раъно НУСРАТУЛЛО,
АМИТ«Ховар»
АКС: АМИТ «Ховар»
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
