НИШАСТИ МАТБУОТӢ. Шумораи донишҷӯёни хориҷӣ дар Донишкадаи тиббӣ-иҷтимоии Тоҷикистон зиёд гардидааст
ДУШАНБЕ, 06.08.2025. /АМИТ «Ховар»/. Дар Донишкадаи тиббӣ — иҷтимоии Тоҷикистон 3218 нафар донишҷӯён таҳсил менамоянд, ки аз ин шумора 125 нафарро донишҷӯёни хориҷӣ ташкил медиҳанд. Шумораи донишҷӯёни хориҷӣ дар соли таҳсили 2024-2025 64 нафар зиёд гардид. Дар ин хусус имрӯз ректори Донишкадаи тиббӣ — иҷтимоии Тоҷикистон Зарина Ибодзода ба хабарнигорон иттилоъ дод.
Иброз гардид, ки дар донишкада донишҷӯёни хориҷӣ аз Ҳиндустон, Покистон, Бангладеш, Малави, Танзания, Арабистони Саудӣ ва Нигерия таҳсил менамоянд.
«Натиҷаҳои тақсимоти даври якуми қабули довталабон ба донишгоҳу донишкадаҳои олии мамлакат дар соли 2025 нишон доданд, ки нақшаи қабул дар Донишкадаи тиббӣ — иҷтимоии Тоҷикистон 98 фоиз иҷро гардидааст. Яъне, дар айни замон 878 нафар довталабон донишҷӯи донишкадаи мо шудаанд»,- изҳор намуд Зарина Ибодзода.
Донишкада бо 51 муассисаи тиббӣ ва профилактикии шаҳри Душанбе шартномаи ҳамкорӣ дошта, донишҷӯёни донишкада дар ин муассисаҳо таҷрибаи амалии тиббӣ мегиранд.
«Дар назди донишкада Маркази клиникии илмӣ-таълимӣ фаъолият менамояд, ки аксари донишҷӯён дар он ба таҷрибаомӯзӣ фаро гирифта мешаванд. Дар давраи ҳисоботӣ 652 донишҷӯ аз таҷрибаомӯзии санитарӣ гузашт»,-баён дошт ректори донишкада.
Моҳинави НАВРӮЗ,
АМИТ«Ховар»
АКС: АМИТ «Ховар»
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
