Низоми ҷамъоварӣ ва истифодаи маълумоти омории соҳаи тандурустии Тоҷикистон баррасӣ гардид
ДУШАНБЕ, 12.08.2025 /АМИТ «Ховар»/. 11 август дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон доир ба таҳлили муфассали низоми ҷамъоварӣ ва истифодаи маълумоти омории соҳаи тандурустӣ ҷаласа доир гардид. Дар ин хусус ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Тоҷикистон хабар доданд.
Муовини Вазири тандурустӣ ва ҳифзи иҷтимоии аҳолии Тоҷикистон Абдухолиқ Амирзода иброз дошт, ки таҳлили дар ин самт анҷомдода нишон дод, ки ҷамъоварии маълумот дар муассисаҳои тиббӣ мунтазам амалӣ мегардад. Вале дар раванди кор баъзе мушкилот, аз ҷумла такроршавии маълумот, номукаммал будани ҳамоҳангсозии ҳисобот ва фарқият дар сифат вуҷуд доранд.
Маълумоти боэътимод заминаи асосии қабули қарорҳои дуруст мебошад. Аз ин рӯ, барои беҳтар намудани вазъ зарурати таҳияи стандартҳои ягонаи сифат, гузаронидани омӯзишҳои мунтазам барои кормандони омор ва тақвияти низоми аудити маълумот махсус таъкид карда шуд.
Дар ҷаласа аз ҷониби мутахассисони ватанӣ ва шарикон оид ба рушд доир ба масъалаи баррасишуда маърузаҳо пешниҳод шуда, табодули афкор доир гардид.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
