ОМОДАГӢ БА СОЛИ НАВИ ТАҲСИЛ. Дар Исфара иншооти соҳаи маориф таъмир ва навсозӣ мегарданд
ДУШАНБЕ, 21.08.2025. /АМИТ «Ховар»/. Ба истиқболи соли нави таҳсил дар шаҳру деҳоти Исфара бо ташаббуси мақомоти иҷроияи ҳокимияти давлатии шаҳр ва саҳмгузории соҳибкорон якчанд иншооти соҳаи маориф таъмир ва навсозӣ карда мешаванд. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Дар маҳаллаи Таги Бораи деҳоти Чоркӯҳ сохтмони муассисаи таҳсилоти томактабӣ барои 120 кӯдак ва майдончаи варзишӣ идома дорад. Бинои муассиса бо тарҳи муосир қомат афрохта, барои таълиму тарбияи кӯдакон шароити мусоид фароҳам менамояд. Ҳамзамон сохтмони толори варзишии болопӯшида идома дошта, он ба рушди варзиш ва тарғиби тарзи ҳаёти солим мусоидат кунад.
Инчунин дар ин ҷамоат сохтмони Муассисаи таҳсилоти миёнаи умумии №79 барои 240 хонанда идома дорад. Муассиса бо синфхонаҳои барҳаво, ошхона, толори варзишӣ ва утоқҳои корӣ муҷаҳҳаз гардида, баъди ба истифода додани он норасоии ҷойи нишаст бартараф хоҳад шуд.
Ба истиқболи 35-солагии Истиқлоли давлатӣ дар деҳоти Чоркӯҳ бо ташаббуси соҳибкорон ва сокинон корҳои ободонию созандагӣ вусъат ёфта, марказҳои савдою хизматрасонӣ, коргоҳҳои хурди дӯзандагӣ ва истеҳсоли пойафзол низ бунёд мегарданд.
АКС: Хадамоти матбуоти Раиси вилояти Суғд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
