Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд
ДУШАНБЕ, 27.08.2025 /АМИТ «Ховар»/. Масъалаҳои рақамикунонӣ, тайёр намудани мутахассисон ва татбиқи лоиҳаҳои пилотӣ дар самти замин 26 август зимни мулоқоти муовини якуми Раиси Кумитаи давлатии идораи замин ва геодезии Ҷумҳурии Тоҷикистон Диловар Пирзода ва ҳайати Бонки рушди Осиё таҳти роҳбарии Паоло Манунта мавриди баррасӣ қарор дода шуданд. Дар ин хусус ба АМИТ «Ховар» аз ин кумита хабар доданд.
Диловар Пирзода ба Бонки рушди Осиё барои ҳамкории судманду дастгирии доимӣ, ки дар соҳаи идоракунии замин, геодезия ва раванди рақамикунонӣ мерасонад, изҳори сипос намуд.
Иброз гардид, ки ҳамкории Тоҷикистон бо Бонки рушди Осиё ба таҳкими иқтидори институтсионалӣ ва татбиқи технологияҳои муосир дар ин соҳа мусоидат намуда, барои иҷрои барномаҳои давлатӣ ва ҳадафҳои стратегӣ дар самти рақамикунонӣ заминаи устувор фароҳам меорад. Кумитаи давлатии идораи замин ва геодезӣ инчунин мақоми масъули рушди инфрасохтори миллии маълумоти маконӣ мебошад. Рушди инфрасохтори маълумоти маконӣ ҷузъи ҷудонашавандаи сиёсати умумии давлат дар самти рақамикунонӣ, рушди устувор ва ҳамгироии минтақавӣ мебошад.
Ҷонибҳо барои густариши минбаъдаи ҳамкорӣ изҳори омодагӣ намуданд.
АКС: Кумитаи давлатии идораи замин ва геодезии Ҷумҳурии Тоҷикистон
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
