Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд
ДУШАНБЕ, 27.08.2025. /АМИТ «Ховар»/. Имрӯз дар доираи сафари расмӣ ба Ҷумҳурии Қазоқистон Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд. Дар ин хусус ба АМИТ «Ховар» аз Маҷлиси миллии Маҷлиси Олии Ҷумҳурии Тоҷикистон хабар доданд.
Дар мулоқот вазъ ва дурнамои густариши муносибатҳои дуҷонибаи Тоҷикистон ва Қазоқистон мавриди баррасӣ қарор гирифт.
Муколамаи мунтазам ва боэътимоду самимии Сарони давлатҳои Тоҷикистон ва Қазоқистон дар тақвияти муносибатҳои ду кишвар, ки дорои фарҳанг, арзишҳои маънавӣ ва анъанаҳои деринаи ҳамҷаворӣ мебошанд, муҳим дониста шуд.
Иброз гардид, ки робитаҳои байнипарламентӣ чун ҷузъи муҳими муносибатҳои ду давлати дӯст бо шарофати талошҳои муштараки ҷонибҳо пайваста рушд менамоянд.
Ҳамкории тиҷоратию иқтисодӣ аз самтҳои муҳими муносибатҳои байни ду кишвар арзёбӣ гардид.
Ҳамчунин аҳамияти фаъолгардонии сармоягузорӣ дар татбиқи лоиҳаҳои муштарак дар самтҳои афзалиятноки иқтисодиёт, пеш аз ҳама, тиҷорат, сохтмон, нақлиёт, телекоммуникатсия, саноат, энергетика, кишоварзӣ, рақамикунонӣ ва инноватсия таъкид карда шуд.
Дар доираи музокирот ҷонибҳо ба масоили рушди ҳамкории фарҳангию гуманитарӣ, бахусус тавсеаи равобит дар бахшҳои маорифу фарҳанг таваҷҷуҳ зоҳир намуданд.
Бо назардошти вазъи феълӣ дар арсаи байналмилалӣ ва минтақа зарурати густариши ҳамкорӣ дар самтҳои мудофиа ва амният мавриди баррасӣ қарор гирифт.
АКС: Маҷлиси миллии Маҷлиси Олии Ҷумҳурии Тоҷикистон
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Файзалӣ Идизода бо Раиси Парламенти Туркманистон Дунягозел Гулманова вохӯрӣ намуд
Файзалӣ Идизода дар шаҳри Санкт-Петербург бо намояндагони ҷамъияти тоҷикон ва донишҷӯёни тоҷик вохӯрӣ намуд
КОНФРОНСИ ЧОРУМИ ОБИ ДУШАНБЕ. Дар Душанбе семинари минтақавӣ барои парлумонҳои давлатҳои Авруосиё баргузор гардид
Файзалӣ Идизода дар ҷаласаи Шурои Ассамблеяи байнипарлумонии ИДМ иштирок намуд
ҲУВИЯТИ МИЛЛӢ ВА АДОИ ЭҲТИРОМ БА ҚАҲРАМОНОН. Дар робита ба овардани хоки оромгоҳи қаҳрамонони Тоҷикистон ба Ватан
Ҳайати парлумонии Тоҷикистон ба шаҳри Санкт-Петербург сафар намуд
Ҳамкории байнипарламентии Тоҷикистон ва Озарбойҷон тақвият меёбад
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
Форуми 5-уми намояндагони парламентҳои давлатҳои аъзои гурӯҳи Авруосиё баргузор гардид
Маросими дар оромгоҳи Лучоб гузоштани қисмате аз хоки гӯристони Нусратулло Махсум, Шириншо Шоҳтемур ва Нисор Муҳаммад доир гардид
Ҷаласаи навбатии Шурои Маҷлиси намояндагон баргузор шуд
