Сафири Тоҷикистон дар Узбекистон бо сохтмони роҳи оҳани Самарқанд – Панҷакент шинос гардид
ДУШАНБЕ, 04.08.2025 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода дар вилояти Самарқанд бо раванди сохтмони роҳи оҳани Самарқанд — Ургут, ки як шохааш ба шаҳри Панҷакенти Тоҷикистон мепайвандад, шинос шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Ҳоло сохтмони роҳи оҳан 200 метр дуртар аз сарҳади Ҷонбой — Саразм гузашта, ба ҷониби Ургут меравад. Роҳсозони узбек аз 55 километри роҳ 38 километри онро сохта, ба анҷом расониданд ва то охири моҳ роҳ то Ургут пурра ба истифода дода мешавад.
Сохтмончиён дастур гирифтаанд, ки дар асоси Протоколи байниҳукуматӣ байни Тоҷикистон ва Узбекистон се километр роҳро аз Ҷонбой то масофае, ки Ҳукумати Тоҷикистон аз сарҳад дар дохили Панҷакент муқаррар мекунад, бунёд намоянд.
Ин масъала ҳамзамон дар мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода бо ҳокими вилояти Самарқанд Адиз Бобоев баррасӣ гардид. Мусоҳибон зимни мулоқот масъалаи тақвияти ҳамкории иқтисодию тиҷоратиро байни вилоятҳои марзии Суғд ва Самарқанд баррасӣ намуданд.
Ҳамзамон дар мулоқот масъалаи марбут ба сафари ҳунарии санъаткорони вилояти Самарқанд ба шаҳри Душанбе дар арафаи ҷашни Истиқлоли давлатии Ҷумҳурии Тоҷикистон баррасӣ гардид. Ҳокими вилояти Самарқанд Адиз Бобоев пешниҳодҳои Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзодаро бо хушнудӣ пазируфт.
АКС: Сафорати Ҷумҳурии Тоҷикистон дар Ҷумҳурии Узбекистон
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
Ташаббуси навбатии ҷаҳонии Тоҷикистон дар чаҳорчӯби ИДМ муаррифӣ карда шуд
Ҳамкории Тоҷикистон бо Дафтари Комиссари олии Созмони Милали Муттаҳид оид ба паноҳандагон баррасӣ шуд
Тавсеаи ҳамкорӣ байни Тоҷикистон ва Эрон баррасӣ гардид
