Ҳамкории Парлумони Тоҷикистон бо Ассамблеяи Парламентии Созмони амният ва ҳамкорӣ дар Аврупо густариш меёбад
ДУШАНБЕ, 20.09.2025. /АМИТ «Ховар»/. Муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар шаҳри Вена дар доираи иштирок дар маросими хотимавии ташаббуси «Ҷавондухтарон барои сулҳ, тавонмандсозии ҷавондухтарони Осиёи Марказӣ» бо мудири Маркази пешгирии низоъҳои Котиботи Созмони амният ва ҳамкорӣ дар Аврупо хонум Кейт Фирон, муовини Президенти Асамблеяи Парламентии Созмони амният ва ҳамкорӣ дар Аврупо хонум Гудрун Куглар ва Роҳбари Гурӯҳи дӯстии байнипарламентии Австрия — Осиёи Марказӣ ва Муғулистон муовини Президенти Ассамблеяи Парламентии Созмони амният ва ҳамкорӣ дар Аврупо хонум Ҳенрике Брандштёттер вохӯрӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Мавсума Муинӣ иброз дошт, ки Тоҷикистон ба рушду таҳкими муносибатҳои дӯстона бо Созмони амният ва ҳамкорӣ дар Аврупо, Ассамблеяи Парламентии ин Созмон бахусус дар самти ҳамкории байнипарламентӣ, ки яке аз абзорҳои муҳимми густариши робитаҳои дуҷониба ва тақвияти муколамаи созанда байни давлатҳо ба ҳисоб меравад, аҳаммияти хоса медиҳад.
Муовини Раиси Маҷлиси намояндагони Маҷлиси Олии Ҷумҳурии Тоҷикистон ёдовар шуд, ки Президенти Ҷумҳурии Тоҷикистон муҳтарам Эмомалӣ Раҳмон пайваста дар суханрониҳо аз нақш ва мақоми Созмони амният ва ҳамкорӣ дар Аврупо ёдовар шуда, ин Созмонро ҳамчун шарики боэътимоди Тоҷикистон ном мебаранд.
Иттилоъ дода шуд, ки дар Тоҷикистон бузургтарин Дафтари Созмони амният ва ҳамкорӣ дар Аврупо дар минтақа ва Коллеҷи идораи сарҳадии ин Созмон ҷойгир буда, беш аз 20 лоиҳа дар самтҳои гуногун амалӣ карда мешаванд.
Таъкид гардид, ки Тоҷикистон ҳамчун мамлакати сулҳҷӯ ва узви фаъоли ҷомеаи байналмилалӣ ҳамкории самарабахшро бо Созмони амният ва ҳамкорӣ дар Аврупо, Ассамблеяи Парламентии Созмони амният ва ҳамкорӣ дар Аврупо, ҳамчунин Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумурии Тоҷикистон бо Шурои Миллии Парламенти Ҷумҳурии Австрия ва минтақаи Аврупо густариш медиҳад.
АКС: Маҷлиси намояндагони Маҷлиси Олии Ҷумҳурии Тоҷикистон
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
Дар Душанбе ҷаласаи Раёсат/Бюрои Ассамблеяи парлумонии Осиё баргузор гардид
Ҷаласаи Кумитаи доимии Ассамблеяи парламентии Осиё оид ба масъалаҳои иҷтимоӣ ва фарҳангӣ оғоз шуд
Мавсума Муинӣ бо раиси Комиссияи Сенати Шоҳигарии Камбоҷа оид ба ҳуқуқи инсон вохӯрӣ намуд
Мавсума Муинӣ бо роҳбари ҳайати Подшоҳии Баҳрайн Аҳмад Алсаллум вохӯрӣ намуд
Робитаҳои байнипарламентии Тоҷикистон ва Ҷумҳурии Кипр густариш меёбанд
