Ба шарафи ҷашни Истиқлолияти давлатӣ дар Истаравшан олимону соҳибкорон қадрдонӣ гардиданд
ДУШАНБЕ, 11.09.2025 /АМИТ «Ховар»/. Ба ифтихори 34-солагии Истиқлолияти давлатии Чумҳурии Тоҷикистон дар шаҳри Истаравшан ҳамоиши идона баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Истаравшан хабар доданд.
Дар ҳамоиш иброз гардид, ки истиқлолу соҳибдавлатӣ барои ҳар халқу миллат роҳе ба сӯи озодӣ ва рушди ҳамаҷониба мебошад, ки дар ватани азизи мо низ ин раванд бо заҳмату талошҳои хастагинопазир ва роҳбарии муваффақонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон амалӣ шудааст. Тоҷикистон баъди ба даст овардани Истиқлоли давлатӣ бо роҳбарии хирадмандонаи муҳтарам Эмомалӣ Раҳмон ва дастгирии мардуми сарбаланди меҳан дар давраи начандон тӯлонӣ тавонист, ки низоми устувори давлатдориро бунёд намояд, пояҳои ҳуқуқӣ ва сиёсии худро таҳким бахшад, дар арсаи байналмилалӣ ҷойгоҳи шоистаро соҳиб шуда, дар роҳи рушду шукуфоӣ қадамҳои устувор гузорад.
Дар идомаи ҳамоиш бо қарори Раиси шаҳри Истаравшан “Дар бораи сарфароз гардонидани олимони маъруф бо унвони баландтарини шаҳрдорӣ ба хотири хизматҳои арзандаашон дар рушди илму маориф, тақвияти иқтидори кадрии мамлакат ва саҳми назаррас дар корҳои бунёдкорию созандагӣ” академикони Академияи миллии илмҳои Тоҷикистон Маҳкам Маҳмудзода, Улмас Мирсаидов ва соҳибкори муваффақ Абдуҳамид Муъминов бо унвони “Фарзанди фахрии шаҳри Истаравшан” қадрдонӣ гардиданд.
Гуфта шуд, ки фаъолияти илмӣ ва ҷамъиятии академикон на танҳо обрӯ ва эътибори Академияи миллии илмҳои Тоҷикистон, балки мақоми шаҳри бостонии Истаравшанро низ боло бурдааст. Маркази дастгирии оила ва кӯдаки «Фарзанди Ватан» ва Мактаб-интернат барои кӯдакони ятиму бепарастори шаҳри Истаравшан, ки бо ташаббус ва маблағгузории шахсии онҳо ва сохибкорони маҳаллӣ сохта шудааст, имрӯз ба садҳо кӯдакони ятиму бепарастор ва дорои имконияти маҳдуд шароити муносиб барои зиндагӣ, таълим ва табобат фароҳам овардааст.
Академикҳо Улмас Мирсаидов ва Маҳкам Маҳмудзода дар хусуси Истиқлолияти давлатии Тоҷикистон ва дастовардҳои арзандаи соҳаи илм ёдовар шуда, иброз доштанд, ки шароит ва имконияти арзандае, ки дар даврони соҳибистиқлолӣ фароҳам гардид, ба рушду пешрафти илми тоҷик такони тоза бахшид.
АКС: Мақомоти иҷроияи ҳокимияти давлатии шаҳри Истаравшан
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи марказии шаҳри Хоруғ бахшида ба ҷашни 35-солагии Истиқлоли давлатӣ
Пешвои миллат Эмомалӣ Раҳмон дар шаҳри Хоруғ дар тантанаҳои идона ба ифтихори ҷашни 35-солагии Истиқлоли давлатӣ иштирок намуданд
Президенти Ҷумҳурии Тоҷикистон Эмомалӣ Раҳмон якчанд иншооти муҳими соҳаи энергетикаро дар Вилояти Мухтори Кӯҳистони Бадахшон ифтитоҳ намуданд
Сарвари давлат Эмомалӣ Раҳмон бо 6 лоиҳаи роҳҳои дорои аҳамияти байналмилалию ҷумҳуриявии ҳудуди Вилояти Мухтори Кӯҳистони Бадахшон шинос шуданд
Пешвои миллат Эмомалӣ Раҳмон 90 иншооти таъйиноти гуногунро дар шаҳру ноҳияҳои Вилояти Мухтори Кӯҳистони Бадахшон ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Сарвари давлат Эмомалӣ Раҳмон дар шаҳри Хоруғ Боғи фарҳангию фароғатии «Дуои Модар»-ро ифтитоҳ намуданд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Пешвои миллат Эмомалӣ Раҳмон бо лоиҳаи сохтмони Маркази агрологистикӣ дар шаҳри Хоруғ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаи бунёди муассисаҳои байналмилалии Донишгоҳи байналмилалии сайёҳӣ ва соҳибкории Тоҷикистон шинос шуданд
Сарвари давлат Эмомалӣ Раҳмон дар минтақаи саноатии Хоруғ 3 корхонаи нави саноатиро ба истифода доданд
Пешвои миллат Эмомалӣ Раҳмон бо сафари корӣ ба шаҳри Хоруғи Вилояти Мухтори Кӯҳистони Бадахшон ташриф оварданд
