Байни Тоҷикистон ва Қазоқистон ҳамкории илмӣ дар соҳаҳои фалсафа, сиёсатшиносӣ, ҳуқуқ ва дин баррасӣ гардид
ДУШАНБЕ, 17.09.2025 /АМИТ «Ховар»/. Масоили муҳими рушди таҳқиқоти илмии муосир дар соҳаҳои фалсафа, сиёсатшиносӣ, ҳуқуқ ва диншиносӣ 16 сентябр зимни мулоқоти роҳбарияти Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон ва намояндагони Институти фалсафа, сиёсатшиносӣ ва диншиносии Кумитаи илмии Вазорати илм ва маълумоти олии Ҷумҳурии Қазоқистон баррасӣ гардид.
Тавре АМИТ «Ховар» бо истинод ба Институти фалсафа, сиёсатшиносӣ ва ҳуқуқ хабар медиҳад, дар мулоқот ҷонибҳо мубодилаи таҷрибаро дар самти тайёр намудани кадрҳои илмӣ, табодули иттилооти илмӣ ва баргузории чорабиниҳои муштарак мавриди баррасӣ қарор доданд.
Ҳамчунин масъалаи таҳия ва имзои ёддошти тафоҳум оид ба ҳамкорӣ байни ду муассиса матраҳ гардид. Тарафҳо барои таҳкими минбаъдаи робитаҳои илмӣ ва татбиқи лоиҳаҳои муштарак изҳори омодагӣ намуданд. Қарор шуд, ки ояндаи наздик барои пайгирӣ ва иҷрои бандҳои ёддошт оид ба ҳамкорӣ гурӯҳи корӣ таъсис дода шавад.
Ин ҳамкорӣ қадами муҳим барои ба роҳ мондани робитаҳои устувори илмӣ байни Тоҷикистон ва Қазоқистон ба ҳисоб меравад, ки метавонад ба рушду тавсеаи тафаккури илмии минтақавӣ ва таҳкими муколамаи фарҳангию илмӣ мусоидат намояд.
АКС: Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
