Бо сокинони ноҳияи Сангвор дар мавзуи «Ҳифзи дастовардҳои Истиқлол дар раванди ҷаҳонишавӣ» вохӯрии судманд доир гардид
ДУШАНБЕ, 20.09.2025. /АМИТ «Ховар»/. Бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон бо сокинони ноҳияи Сангвор дар мавзуи «Ҳифзи дастовардҳои Истиқлол дар раванди ҷаҳонишавӣ» вохӯрӣ гузаронида шуд. Дар ин хусус ба АМИТ «Ховар» аз Кумитаи иҷроияи Ҳаракати ваҳдати миллӣ ва эҳёи Тоҷикистон хабар доданд.
Зимни вохӯрӣ Раиси ноҳияи Сангвор Маҳмадшоҳ Давлатзода изҳор намуд, ки дар шароити ҷаҳонишавӣ ва рушди босуръати технологияҳои иттилоотӣ, бо назардошти зуҳуроти амалҳои номатлуб, таҳдиду хатарҳои равонӣ, ҷангҳои иттилоотӣ ва дигар омилҳои хатарнок зарур аст, ки сатҳи огоҳии аҳолӣ, бахусус ҷавонон дар самти муқовимат ба ин таҳдидҳо баланд бардошта шавад.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон, Рудобаи Мукаррам иброз дошт, ки миллати соҳибтамаддуни тоҷик дар масири таърихи пуршебу фароз ҳамеша дар муқобили зулму ситами аҷнабиён муқовимат нишон дода, асолат, забон, фарҳанг ва оинҳои деринаи милливу меҳании худро ҳамеша ҳифзу ҳимоя намудааст.
«Муҳимтарин вазифаи наслҳои имрӯза аз он иборат аст, ки бо истифода аз имкониятҳои мавҷуда ва бо такя ба сиёсати хирадмандонаи Пешвои миллат дастовардҳои истиқлолро ҳифз намуда, онро ба наслҳои оянда ҳамчун амонати муқаддас ба мерос гузоранд. Аз ин рӯ, моро мебояд, ки бар муқобили пайомадҳои манфии раванди пуртазоди ҷаҳонишавӣ мубориза бурда, барои ҳифзу таҳкими Ваҳдати миллӣ ва тақвияти дастовардҳои Истиқлоли давлатӣ саҳми арзанда гузорем»,- афзуд Рудобаи Мукаррам.
Таъкид шуд, ки таҳти иродаи сиёсии Пешвои миллат муҳтарам Эмомалӣ Раҳмон халқи тоҷик ба истиқлоли маънавӣ ва мустақилияти сиёсиву иҷтимоӣ ноил гардида, дар роҳи ҳифзи арзишҳои ин ҷавҳари муқаддас ва ин дастоварди таърихӣ қадамҳои устувор мегузорад.
Дар хотима ба Китобхонаи ноҳияи Сангвор ҷилдҳои китоби «Ваҳдат, Давлат, Президент» туҳфа карда шуд.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
Дар Хоруғ муассисаҳои соҳаи фарҳанг навсозӣ мешаванд
СОЛИ ОБОДОНИЮ СОЗАНДАГӢ. Дар ноҳияи Ёвон гузаргоҳҳо ва роҳҳои пиёдагард таъмиру навсозӣ мешаванд
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
