Дар доираи иҷлосияи 80-уми Маҷмаи Умумии Созмони Милали Муттаҳид масъалаҳои соҳаи тандурустӣ баррасӣ гардиданд
ДУШАНБЕ, 25.09.2025. /АМИТ «Ховар»/. 24 сентябр дар шаҳри Ню-Йорки Иёлоти Муттаҳидаи Амрико дар доираи «Ҳафтаи сатҳи баланд»-и иҷлосияи 80-уми Маҷмаи Умумии Созмони Милали Муттаҳид ҳамоишҳои соҳаи тандурустӣ доир гардиданд. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Дар доираи иҷлосияи 80-уми Маҷмаи Умумии Созмони Милали Муттаҳид аз ҷониби Созмони ҷаҳонии тандурустӣ чорумин ҷаласаи сатҳи баланд оид ба пешгирии бемориҳои ғайрисироятӣ доир гардид. Дар он Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода таҳти унвони «Ҳаракати глобалии беҳтар намудани зиндамонӣ ва коҳиш додани ранҷу азоб дар кӯдакони гирифтори саратон ва дигар бемориҳои ба ҳаёт таҳдидкунанда» маъруза намуд.
Дар ҳамоиш аз ҷониби вазирони тандурустии давлатҳои аъзои Созмони Милали Муттаҳид ва коршиносони байналмилалӣ доир ба самтҳои гуногуни мавзуъ маърузаҳо пешниҳод карда шуданд.
Ҷамолиддин Абдуллозода дар ҳамоиши дигар таҳти унвони «Иқтисоди сиёсии татбиқи кумаки аввалияи тиббию санитарӣ: тағйироти асосӣ дар сиёсат» доир ба вазъи бахши кумаки аввалияи тиббию санитарӣ, дастовардҳо ва дурнамои рушди соҳа дар Ҷумҳурии Тоҷикистон маълумот пешниҳод намуд.
Дар ҷаласа масъалаҳои эътилофи глобалӣ оид ба кумаки аввалияи тиббӣ, тавсеаи уҳдадориҳои сиёсӣ ва кафолатҳо барои баробарӣ ва устуворӣ, самтҳои асосии сиёсат оид ба таҳкими кумаки аввалияи тиббӣ ҳамчун асос барои ноил шудан ба ҳадафҳои васеътари ҷомеа ва дигар масъалаҳои муҳими соҳа баррасӣ гардиданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
