Дар Душанбе ҷаласаи 18-уми Комиссияи байниҳукуматии Тоҷикистону Беларус доир шуд
ДУШАНБЕ, 18.09.2025. /АМИТ «Ховар»/. Дар шаҳри Душанбе ҷаласаи 18-уми Комиссияи байниҳукуматии Тоҷикистону Беларус оид ба ҳамкории тиҷоратию иқтисодӣ доир гардид, иттилоъ медиҳад АМИТ «Ховар».
Пеш аз оғози кори Комиссия иштирокдорон намоиши саноатии кишоварзии Тоҷикистону Беларусро тамошо намуданд.
Вазири кишоварзии Ҷумҳурии Точикистон иброз намуд, ки баргузории Комиссияи байниҳукуматии Тоҷикистону Беларус барои рушди муносибатҳои тиҷоратию иқтисодии давлатҳо ва дигар самтҳо заминаи мусоид фароҳам меорад.
Дар ҷаласа масъалаҳои ҳамкории дуҷониба дар соҳаҳои кишоварзӣ, озуқаворӣ ва омодасозии кадрҳо барои комплекси агросаноатӣ, кооператсияи саноатӣ ва дигар самтҳо мавриди баррасӣ қарор гирифтанд.
Вазири кишоварзӣ ва озуқавории Ҷумҳурии Беларус Юрий Горлов гуфт, ки баргузории ин Комиссия ҳамкории тиҷоратию иқтисодӣ, сармоягузорӣ, кишоварзӣ, кооператсияи саноатӣ, саноати сабук ва дорусозӣ бештар мегардад.
Дар ҷараёни ҷаласа ба ҳамкорӣ дар соҳаҳои маориф, илм ва байниминтақавӣ таваҷҷуҳ зоҳир гардид.
Ҳамчунин имрӯз Протоколи ҷаласаи ҳаждаҳуми Комиссияи байниҳукуматии Тоҷикистону Беларус ба имзо расонида шуд.
Дар ҷаласа масъалаи омодасозии кадрҳо барои комплекси агросаноатӣ, кооператсияи саноатӣ ва дигар самтҳо мавриди баррасӣ қарор дода шуд.
Ҳайати расмии иштирокдорони Комиссияи 18-уми байниҳукуматии Тоҷикистону Беларус оид ба ҳамкории тиҷоратию иқтисодӣ Майдони Истиқлол, Маҷмааи «Кохи Наврӯз»-ро тамошо карда, бо фаъолияти Ҷамъияти саҳомии шакли пӯшидаи «Агротехсервис»-и шаҳри Ҳисор ва хоҷагии деҳқонии «Боғи Сомон» аз наздик шинос мешавад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Бахшида ба Солҳои рушди иқтисоди рақамӣ ва инноватсия дар Маркази тадқиқоти стратегӣ ҳамоиш доир шуд
Дар Тоҷикистон мактаби технологияҳои рақамӣ бо тарҳ ва усулҳои муосир таъсис дода мешавад
Нақшаи истеҳсоли пилла дар шаҳри Левакант пурра иҷро гардид
Тоҷикистон ҳамкориро бо БАТР дар бахши энергетика тақвият медиҳад
Ноҳияи Данғара нақшаи истеҳсоли пилларо пурра иҷро намуд
Ҷамъоварии картошка ва пиёз дар ҳама шаклҳои хоҷагидории ноҳияи Панҷ идома дорад
20 май — Рӯзи умумиҷаҳонии метрология: дар Тоҷикистон соҳаи метрология рушд меёбад
Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
Масоили омодагӣ ба баргузории Конфронси чоруми байналмилалии сатҳи баланд оид ба об баррасӣ гардид
Ҳайати Тоҷикистон дар саммити роҳбарони Форуми ҷаҳонии шаҳрҳо (WUF13) дар Боку иштирок намуд
Муовини Сарвазири Тоҷикистон бо фаъолияти кишоварзони ноҳияи Фархор шинос шуд
Дар Нишасти Гурӯҳи дӯстони пиряхҳо ташаббусҳои глобалии Тоҷикистон оид ба об ва ҳифзи пиряхҳо баррасӣ шуданд
