Дар Душанбе масъалаҳои пешбурди ҳифзи ҳуқуқи инсон баррасӣ шуданд
ДУШАНБЕ, 13.09.2025. /АМИТ «Ховар»/. 11 сентябр Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо Фиристодаи махсуси намояндагии Финландия дар Созмони амният ва ҳамкорӣ дар Аврупо ва ҳайати онҳо бо роҳбарии хонум Терҳи Хакала вохӯрӣ доир намуд, ки зимни он ҷонибҳо масъалаҳои пешбурди ҳифзи ҳуқуқи инсонро мавриди муҳокима қарор доданд. Дар ин хусус ба АМИТ «Ховар» аз мақомоти Ваколатдор хабар доданд.
Зимни вохӯрӣ ҷонибҳо таҳкими ҳамкориро дар самтҳои таъмини ҳимояи ҳуқуқҳои шахсони маъюб, ҳифзи ҳуқуқҳои занон ва духтарон, баробарии гендерӣ ва ҳифзи ҳуқуқи кӯдак мавриди баррасӣ қарор доданд.
Ваколатдор оид ба ҳуқуқи инсон дар Ҷумҳурии Тоҷикистон Умед Бобозода аз дастовардҳои Ҷумҳурии Тоҷикистон дар самти ҳифзи ҳуқуқи инсон ва санадҳои қабулшудаи стратегии мамлакат, бахусус “Стратегияи миллии ҳифзи ҳуқуқи инсон дар Ҷумҳурии Тоҷикистон барои давраи то соли 2038”, “Барномаи таълим дар соҳаи ҳуқуқи инсон барои солҳои 2022-2026”, амалишавии қонунгузории зиддитабъизӣ ва дурнамои фаъолияти Ваколатдор оид ба ҳуқуқи инсон дар Ҷумҳурии Тоҷикистон ёдовар шуд.
Иброз гардид, ки ин санадҳои стратегӣ дар миқёси давлатҳои Осиёи Марказӣ ҳамто надоранд.
Хонум Терҳи Хакала барои пазироии самимӣ ва идома додани ҳамкории мутақобили судманд барои риоя ва ҳифзи ҳуқуқи инсон дар Ҷумҳурии Тоҷикистон ва дастовардҳои Ҳукумати Ҷумҳурии Тоҷикистон марбут ба масъалаҳои ҳуқуқи инсон изҳори миннатдорӣ намуд. Мавсуф изҳор дошт, ки давом додани ҳамкории судманд мувофиқи мақсад буда, амалӣ ва риоя намудани ҳуқуқу манфиатҳои шаҳрвандону баланд бардоштани маърифати ҳуқуқии аҳолӣ иқдоми зарурӣ ва қобили дастгирӣ мебошад.
Дар фарҷоми мулоқот хонум Терҳи Хакала изҳор дошт, ки “мо ҷонибдори дастгирии талошҳои доимии Ҷумҳурии Тоҷикистон оид ба пешбурди адолат, баробарӣ ва эҳтиром ба озодиҳои асосӣ ҳастем”.
Ҳамзамон Умед Бобозодаро даъват намуд, ки 17 ноябри соли равон дар вохӯрии сатҳи баланди омбудсменҳои Осиёи Марказӣ дар шаҳри Хелсинкии Финландия иштирок намояд.
АКС: Мақомоти Ваколатдор оид ба ҳуқуқи инсон дар Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
