Дар Институти астрофизика доир ба системаи офтобӣ машварат баргузор шуд
ДУШАНБЕ, 21.09.2025 /АМИТ «Ховар»/. Дар Институти астрофизикаи Академияи миллии илмҳои Тоҷикистон бо иштироки олимони Институти астрономияи Академияи илмҳои Русия оид ба системаи офтобӣ машварати илмӣ баргузор гардид, хабар медиҳад АМИТ «Ховар» бо истинод ба Академияи миллии илмҳо.
Аз ҷониби олимону муҳаққиқони дохил ва хориҷи мамлакат оид ба самтҳои асосии илми муосири астрономия ва астрофизика гузоришҳо пешниҳод шуданд.
Инчунин масъалаҳо ва дурнамои яке аз муҳимтарин лоиҳаҳои кайҳонии Русия баррасӣ гардид. Хусусан, нақши телескопҳои заминӣ дар дастгирии лоиҳаи кайҳонии «Спектр-УФ» мавриди таҳлил қарор гирифт. Ҳамзамон усулҳои муосири омӯзиши кометаҳо ва нақши онҳо дар эволютсияи системаи офтобӣ муҳокима карда шуд. Маърузачиён натиҷаҳои таҳқиқоти чандинсоларо оид ба таъсири омилҳои иқлимӣ ба самаранокии мушоҳидаҳои астрономӣ муаррифӣ намуданд. Илова бар ин, натиҷаҳои ҳамкории байналмилалӣ дар омӯзиши ҷараёнҳои метеорӣ ва мубодилаи додаҳои мушоҳидавӣ баррасӣ гардида, маълумоти илмӣ оид ба динамикаи фаъолияти чангии комета ва механизмҳои эҳтимолии он пешниҳод шуд.
Машварат ба минбари муҳими мубоҳисаи илмӣ табдил ёфта, дар таҳкими ҳамкории илмии Тоҷикистону Русия дар соҳаи астрономия ва астрофизика саҳми назаррас мегузорад. Иштироки васеи олимон, пешниҳоди натиҷаҳои навини таҳқиқотӣ ва идеяҳои муштараки ояндадор аз аҳамияти баланди чунин ҳамоишҳо дарак медиҳанд.
АКС: Академияи миллии илмҳои Тоҷикистон
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
