Дар ноҳияи Рӯдакӣ ҷаласаи Шурои муросо баргузор гардид
РӮДАКӢ, 25.09.2025 /АМИТ «Ховар»/. Кумитаи кор бо занон ва оилаи назди Ҳукумати Ҷумҳурии Тоҷикистон дар раванди амалинамоии «Барномаи давлатии рушди оила дар Ҷумҳурии Тоҷикистон барои солҳои 2024-2028» дар ноҳияи Рӯдакӣ ҷаласаи Шурои муросо баргузор намуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Фаъолияти Шурои муросо ба андешидани тадбирҳо барои ҳифзи оила, тарғиби тарзи ҳаёти солим, пешгирии зӯроварӣ дар оила, пешгирии никоҳҳои бармаҳалу хешутаборӣ ва пошхӯрии оилаҳо нигаронида шуда, ба солиму пойдор нигоҳ доштани оилаҳо ва тарбияи хуби фарзандон дар оила мусоидат менамояд.
Ин ҷаласа бо мақсади таъсиси Шурои муросо дар назди мақомоти иҷроияи ҳокимияти давлатӣ чун минбари ёрирасон ба марказҳои машваратӣ-иттилоотӣ гузаронида шуд.
Намояндагони Кумитаи кор бо занон ва оилаи назди Ҳукумати Ҷумҳурии Тоҷикистон вобаста ба тарғиби либоси миллӣ, амалишавии қонунҳои Ҷумҳурии Тоҷикистон «Дар бораи кафолатҳои давлатии баробарҳуқуқии мардону занон дар Ҷумҳурии Тоҷикистон», «Дар бораи масъулият барои таълиму тарбияи кӯдак», «Дар бораи танзими ҷашну маросим дар Ҷумҳурии Тоҷикистон», нақшаҳои амали «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030», «Барномаи давлатии рушди оила барои солҳои 2024-2026» ва «Барномаи давлатии зӯроварӣ дар оила барои солҳои 2025-2030» бо аҳли ҷамоат ва донишҷӯёни Коллеҷи техникию омӯзгории ноҳияи Рӯдакӣ вохӯриҳо доир намуданд.
Намояндагони кумита дар ин вохӯриҳо вобаста ба нақш ва мақоми зан дар ҷомеа, истифодаи самараноки маблағҳои грантӣ, ҷалби духтарон ба муассисаҳои олии мамлакат тавассути квотаи президентӣ ва дигар масъалаҳои мубрами соҳа ибрози назар намуданд.
АКС: Мақомоти иҷроияи ҳокимияти давлатии ноҳияи Рӯдакӣ
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
