Дар шаҳри Ал-Кувайт ангурҳои сернавъ ва хуштаъми тоҷикӣ муаррифӣ гардид
ДУШАНБЕ, 03.09.2025 /АМИТ «Ховар»/. 2 сентябр дар доираи баргузории ҷамъомади корпуси дипломатии муқими Давлати Кувайт дар шаҳри Ал-Кувайт намоиши ангурҳои сернавъ ва хуштаъми тоҷикӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд.
Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода зимни муаррифии ангурҳои ватанӣ таъкид намуд, ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бахши кишоварзии мамлакат, аз ҷумла токпарварӣ ба дастовардҳои назаррас ноил гардидааст.
Дар Тоҷикистон хоҷагиҳои махсуси токпарварӣ таъсис ёфта, ҳар яке аз онҳо ҳамасола аз 10 то 20 ҳазор тонна ангури аълосифат истеҳсол мекунанд. Иқлими мусоиди мамлакат шароити беҳтаринро барои парвариши навъҳои гуногуни ангур фароҳам оварда, имкон медиҳад, ки Тоҷикистон на танҳо бозори дохилиро таъмин намояд, балки маҳсулоти рақобатпазирро ба хориҷа содир кунад. Ҳамзамон истеҳсоли мавизҳои аълосифат низ ба таври васеъ ба роҳ монда шудааст.
Меҳмонон дар ҷараёни зиёфат бо завқ ангурҳои тозаву болаззати тоҷикиро, ки рамзи замини ҳосилхез ва заҳмати марди деҳқон мебошанд, чашиданд. Таъм, таровату наҳкати ангур таваҷҷуҳи махсуси ҳозиринро ба худ ҷалб намуда, бисёриҳо иқрор шуданд, ки чунин меваи хушсифат ва комилан табиӣ дар қаламрави кишвари иқомат камёфт аст.
«Ин чорабинӣ на танҳо иқтидори кишоварзии Тоҷикистонро муаррифӣ намуд, балки фарҳанги меҳмондорӣ ва санъати суннатии токпарварии тоҷиконро низ бозтоб дод. Ҳузури меваи тоҷикӣ дар чунин минбарҳои байналмилалӣ далели он аст, ки мамлакати мо метавонад ба яке аз таъминкунандагони муҳимми бозорҳои минтақавӣ ва ҷаҳонӣ табдил ёбад», — таъкид намуданд дар Сафорат.
АКС: Сафорати Ҷумҳурии Тоҷикистон дар Давлати Кувайт
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
