Дар шаҳри Роғун бинои нави филиали «Амонатбонк» ба истифода дода шуд
ДУШАНБЕ, 12.09.2025 /АМИТ «Ховар»/. Дар доираи иқдоми бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳри Роғун бинои нави филиали №19-и Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ба истифода дода шуд, иттилоъ медиҳад АМИТ «Ховар» бо истинод ба «Амонатбонк».
Бинои нав мутобиқ ба талаботи меъёрҳои муосир бунёд гардида, дар он барои фаъолияти беш аз 30 корманд, ки қисми зиёдашонро занон ташкил медиҳанд, шароити мусоиди фаъолият фароҳам оварда шудааст.
Бино зиёда аз 760 метри мураббаъро ташкил дода, дорои 13 утоқи барҳавои корӣ, толори маҷлис, ҳуҷраҳои нигоҳдории ашёи қиматнок, анбор, ошхона ва дигар иншооти ёрирасон мебошад.
Дар маросими ба истифода додани бинои нави филиали «Амонатбонк» дар шаҳри Роғун иброз гардид, ки ифтитоҳи филиали нав қадами муҳим дар самти беҳтар намудани сатҳу сифати хизматрасонии бонкӣ, рушди ҳисоббаробаркуниҳои ғайринақдӣ, зиёд намудани ҳиссаи қарздиҳӣ ба соҳаҳои кишоварзӣ, амалӣ намудани хизматрасониҳои нав бо истифода аз технологияҳои рақамӣ ва таҳкими мавқеи Бонки давлатӣ дар бозори молиявии мамлакат мебошад.
Ҳамзамон зарурати андешидани тадбирҳо барои баланд бардоштани савияи маърифати молиявии аҳолӣ, такмили малакаи касбии кормандон дар самти истифодаи технологияҳои муосир ва афзоиши дастгирии қарзӣ ба соҳаи кишоварзӣ таъкид карда шуд.
АКС: «Амонатбонк»
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Дар Хоруғ маркази хизматрасонии Бонки байналмилалии Тоҷикистон ифтитоҳ гардид
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Масъалаи тақвияти ҳамкории «Амонатбонк» бо Хазинаи байналмилалии асъор дар Душанбе баррасӣ шуд
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
ҚУРБИ АСЪОР: 1 евро аз 10.6649 то 10.7500 сомонӣ муқаррар шудааст
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
