Дар шаҳри Турсунзода ба муносибати 34-солагии Истиқлоли давлатӣ ҷамъомади тантанавӣ баргузор гардид
ДУШАНБЕ, 08.09.2025 /АМИТ «Ховар»/. Ба муносибати ҷашни пурифтихору таърихӣ — Истиқлоли давлатии Ҷумҳурии Тоҷикистон дар шаҳри Турсунзода ҷамъомади тантанавӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Турсунзода хабар доданд.
Зимни ифтитоҳи чорабинӣ Раиси шаҳр Парвиз Акрамзода иброз дошт, ки соҳибистиқлолӣ имкон дод роҳи имрӯзу фардои миллатро муайян намоем ва барои рушди тамоми соҳаҳои ҳаётан муҳим корҳои созандаву бунёдкориро анҷом диҳем.
Ӯ таъкид кард, ки бо азму талошҳои Пешвои миллат муҳтарам Эмомалӣ Раҳмон сатҳу сифати зиндагии шаҳрвандон рӯз ба рӯз беҳтар мегардад.
Дар фарҷом як зумра собиқадорон ва фаъолон барои саҳми арзанда дар татбиқи сиёсати Пешвои миллат ва иҷрои корҳои созандагиву бунёдкорӣ бо медали давлатии «Хизмати шоиста», Ифтихорномаи Ҷумҳурии Тоҷикистон ва Сипосномаҳои Мақомоти иҷроияи ҳокимияти давлатии шаҳри Турсунзода қадрдонӣ шуданд.
Бояд тазаккур дод, ки дар арафари ҷашни Истиқлоли давлатӣ дар деҳаи Лабиҷуйи ҷамоати деҳоти Қаратоғи шаҳри Турсунзода бинои нави Муассисаи таҳсилоти миёнаи умумии №95 мавриди баҳрабардорӣ қарор гирифт.
Таъкид гардид, ки бинои мазкур бо дастгирии мақомоти иҷроияи ҳокимияти давлатии шаҳр ва ташаббуси соҳибкори маҳаллӣ дар муддати кутоҳ бунёд шуда, аз 4 синфхона, утоқи омӯзгорон ва маҷлисгоҳ иборат мебошад.
Синфхонаҳо бо мизу курсӣ ва дигар лавозимоти таълимӣ таъмин гардида, барои хонандагон шароити мусоиди таҳсил фароҳам оварда шудааст.
Ҳамзамон дар остонаи ҷашни 34-солагии Истиқлоли давлатии Ҷумҳурии Тоҷикистон дар деҳаи Қаратоғ муассисаи томактабии замонавӣ бо номи «Олами афсона» ба истифода дода шуд. Муассисаи мазкур, ки аз ҷониби соҳибкорони маҳаллӣ бунёд гардидааст, барои то 100 кӯдак шароити хуби таълиму тарбия фароҳам меорад.
Ифтитоҳи чунин иншооти маорифӣ иқдоми навбатии амалисозии сиёсати маорифпарваронаи Пешвои миллат муҳтарам Эмомалӣ Раҳмон арзёбӣ гардид.
АКС: Мақомоти иҷроияи ҳокимияти давлатии шаҳри Турсунзода
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
НАҚШИ ИСТИҚЛОЛИ ДАВЛАТӢ ДАР ТАҲКИМИ ҲОКИМИЯТИ СУДӢ. Андешаҳо дар ин маврид
Кормандони соҳаи фарҳанг бо мукофотҳои давлатӣ сарфароз гардиданд
Кормандони соҳаи алоқа бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
Кормандони соҳаи телевизион ва радио бо мукофотҳои давлатӣ сарфароз гардонида шуданд
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
