Дар Шуғнон корхонаи нави истеҳсоли асфалт ба фаъолият оғоз кард
ДУШАНБЕ, 21.09.2025 /АМИТ «Ховар»/. Бо дастгирии пайвастаи Президенти Тоҷикистон, Пешвои миллат муҳтарам Эмомалӣ Раҳмон ва талошҳои соҳибкорони муваффақи ватанӣ, соҳаи саноати Вилояти Мухтори Кӯҳистони Бадахшон сол ба сол рушд намуда, ба натиҷаҳои дилхоҳ ноил гардида истодааст. Дар ҳамин замина дар деҳаи Бердибекободи Ҷамоати деҳоти Сучони ноҳияи Шуғнон корхонаи нави истеҳсоли асфалт мавриди истифода қарор дода шуд.
Тавре ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд, дар марҳилаи оғози фаъолияти расмии корхона, роҳбарияти вилоят таъкид намуданд, ки аввал роҳҳои марказии шаҳри Хоруғ мумфарш карда шаванд ва баъди анҷоми корҳои таъмиру навсозӣ дар маркази вилоят, иқдомоти минбаъда ба сӯи навсозии дигар роҳҳо равона карда шавад.
Иброз гардид, ки фаъол гардидани чунин иншоот идомаи мантиқии сиёсати созанда ва ғамхориҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон мебошад, ки ба рушди саноат, дастгирии соҳибкорон ва таъмини некӯаҳволии мардум равона шудааст.
Сокинони деҳаи Бердибекобод изҳор доштанд, ки ифтитоҳи чунин корхонаи бузурги саноатӣ рӯйдоди таърихӣ ва сарчашмаи ифтихор буда, қадами дигар барои ободу зебо гардидани ин гӯшаи ватани азизиамон Тоҷикистон дониста мешавад. Аҳолии деҳот бо самимият изҳор доштанд, ки дастгириву ғамхориҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва иқдомҳои созандаи Ҳукумати Ҷумҳурии Тоҷикистон ба мардум неруи тоза мебахшад ва барои зиндагии шоиста заминаи муосидро фароҳам меорад.
Бунёди корхонаи нави саноатӣ дар Ҷамоати деҳоти Сучони ноҳияи Шуғнон дар доираи татбиқи ҳадафҳои эълонгардидаи «Солҳои рушди саноат» амалӣ гардида, ба таъмини маҳсулоти асфалти зарурӣ барои мумфаршкунии роҳҳои дохили ноҳияҳо ва шаҳру навоҳии Вилояти Мухтори Кӯҳистони Бадахшон мусоидат хоҳад кард.
Арзиши умумии лоиҳа беш аз 2 миллиону 850 ҳазор сомонӣ буда, он бо дастгирии Ҳукумати Ҷумҳурии Тоҷикистон ва бо иқдоми соҳибкори ватанӣ Шоҳрух Искандаров сохта шудааст.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Пешвои миллат Эмомалӣ Раҳмон бо роҳбарону фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи марказии шаҳри Хоруғ бахшида ба ҷашни 35-солагии Истиқлоли давлатӣ
Пешвои миллат Эмомалӣ Раҳмон дар шаҳри Хоруғ дар тантанаҳои идона ба ифтихори ҷашни 35-солагии Истиқлоли давлатӣ иштирок намуданд
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
Президенти Ҷумҳурии Тоҷикистон Эмомалӣ Раҳмон якчанд иншооти муҳими соҳаи энергетикаро дар Вилояти Мухтори Кӯҳистони Бадахшон ифтитоҳ намуданд
Сарвари давлат Эмомалӣ Раҳмон бо 6 лоиҳаи роҳҳои дорои аҳамияти байналмилалию ҷумҳуриявии ҳудуди Вилояти Мухтори Кӯҳистони Бадахшон шинос шуданд
