Дар Тоҷикистон маъракаи иммунизатсия бар зидди вируси папилломаи одам оғоз мегардад
ДУШАНБЕ, 24.09.2025. /АМИТ «Ховар»/. Аз 1 то 31 октябри соли 2025 дар Тоҷикистон маъракаи иммунизатсияи оммавӣ бар зидди вируси папилломаи одам гузаронида мешавад. Ваксина дар доираи иммунизатсияи нақшавӣ ба духтарони 10-сола ва дар соли аввали вориднамоии иммунизатсия ба тақвими миллӣ ба духтарони 11-14 сола тавсия дода мешавад. Сабаби фарогирии ин синну сол он аст, ки дар ин давра иммунизатсия хеле самарабахш буда, ҷавоби иммунии қавиро таъмин месозад. Ин матлаб 23 сентябр зимни конфронси миллӣ оид ба воридкунии ваксина бар зидди вируси папилломаи одам дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баён карда шуд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, конфронси миллӣ бо мақсади омодагӣ ба маъракаи ваксинатсия бар зидди папилломаи одам дар Тоҷикистон ва табодули таҷриба бо мутахассисони хориҷӣ гузаронида шуд.
Қарори Ҳукумати Ҷумҳурии Тоҷикистон «Дар бораи гузаронидани чорабинии иммунизатсионии оммавӣ бар зидди вируси папилломаи одам дар Ҷумҳурии Тоҷикистон» 24 июли соли 2025 тасдиқ карда шудааст. Барои баланд бардоштани сатҳи дониши мутахассисони соҳаи тандурустӣ ва маориф вобаста ба самаранокии ваксина бар зидди вируси папилломаи одам, воридкунии он ба Тақвими миллии иммунизатсия, инчунин баргузории чорабинии иммунизатсионии оммавӣ бар зидди ин сироят дар байни гурӯҳҳои мақсадноки аҳолии Ҷумҳурии Тоҷикистон бо иштироки мутахассисони соҳаи иммунопрофилактика ва ташаккули тарзи ҳаёти солими шаҳру ноҳияҳои Ҷумҳурии Тоҷикистон чорабиниҳо ба роҳ монда шудаанд.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои ворид намудани иммунизатсия бар зидди вируси папиломаи одам давоми чанд соли охир тадбирҳои зарурӣ андешид. Имрӯз бо қаноатмандӣ метавон гуфт, ки дар Тоҷикистон имконияти таъмин намудани дастрасии занон ба ин ваксина фароҳам гардидааст.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
