Дар Узбекистон ба шарафи 34-солагии Истиқлолияти Тоҷикистон барномаи фарҳангӣ баргузор гардид
ДУШАНБЕ, 11.09.2025. /АМИТ «Ховар»/. Бахшида ба ҷашни 34-солагии Истиқлолияти давлатии Ҷумҳурии Тоҷикистон бо ташаббуси Сафорати Тоҷикистон дар Узбекистон барномаи фарҳангию маърифатӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Узбекистон хабар доданд.
Сафири Фавқулода ва Мухтори Тоҷикистон дар Узбекистон, академик Абдуҷаббор Раҳмонзода изҳор дошт, ки истиқлол дар таърихи ҳазорсолаи халқи тоҷик воқеаи хеле бузург ва сарнавиштсоз буд. Истиқлол шарафу номуси ҳар миллати озодандешу соҳибхирад, соҳибтамаддуну бофарҳанг ва соҳибэҳтирому донишманд аст.
Иброз гардид, ки давоми 34 соли истиқлол Тоҷикистон бо давлатҳои ҷаҳон, аз ҷумла минтақаи Осиёи Марказӣ дар ҳамаи самтҳо ҳамкорӣ ба роҳ монда, дӯстӣ, ҳамҷиҳатӣ ва якдилии байни халқҳоро мустаҳкам намуд.
Президенти Тоҷикистон пайваста кӯшиш менамоянд, ки мардум зиндагии шоиста ва орому осуда дошта бошанд. Дастоварди бузургтарини мо давоми 34 соли истиқлол барқарор намудани сулҳу суботи комил ва ваҳдату пойдории миллӣ, таъмини рушди устувори иқтисодию иҷтимоӣ, таҳкими худшиносию худогоҳӣ, болоравиии ҳисси ватандӯстӣ дар байни табақаҳои ҷомеаи Тоҷикистон, кишварҳои ҳамсоя ва ҷаҳон мебошад.
Бешубҳа, истиқлол рамзи саодати миллат ва давлати соҳибихтиёри миллӣ, нишонаи пойдориву бақои он аст. Президенти Тоҷикистон иброз доштаанд, ки «имрӯз мардуми шарифи мамлакат хуб дарк менамоянд, ки ҳама пешравиҳои Тоҷикистон, пеш аз ҳама, аз баракати истиқлолу озодӣ, сулҳу оромӣ, суботи сиёсӣ ва ваҳдати миллӣ, яъне иттиҳоду сарҷамъии халқи тоҷик ба даст омадааст».
АКС: Сафорати Ҷумҳурии Тоҷикистон дар Ҷумҳурии Узбекистон
Пешвои миллат Эмомалӣ Раҳмон 90 иншооти таъйиноти гуногунро дар шаҳру ноҳияҳои Вилояти Мухтори Кӯҳистони Бадахшон ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Сарвари давлат Эмомалӣ Раҳмон дар шаҳри Хоруғ Боғи фарҳангию фароғатии «Дуои Модар»-ро ифтитоҳ намуданд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Пешвои миллат Эмомалӣ Раҳмон бо лоиҳаи сохтмони Маркази агрологистикӣ дар шаҳри Хоруғ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаи бунёди муассисаҳои байналмилалии Донишгоҳи байналмилалии сайёҳӣ ва соҳибкории Тоҷикистон шинос шуданд
Сарвари давлат Эмомалӣ Раҳмон дар минтақаи саноатии Хоруғ 3 корхонаи нави саноатиро ба истифода доданд
Пешвои миллат Эмомалӣ Раҳмон бо сафари корӣ ба шаҳри Хоруғи Вилояти Мухтори Кӯҳистони Бадахшон ташриф оварданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Сафири Тоҷикистон бо донишҷӯён ва омӯзгорони Донишгоҳи давлатии Ош мулоқот намуд
