Доир ба нақши Мактаби давлатдории Эмомалӣ Раҳмон дар таҳкими маориф ва рушди он конференсия баргузор шуд
ДУШАНБЕ, 25.09.2025 /АМИТ «Ховар»/. «Нақши Мактаби давлатдории Эмомалӣ Раҳмон дар таҳкими маориф ва рушди он»-таҳти ин унвон имрӯз дар Академияи идоракунии давлатии назди Президенти Ҷумҳурии Тоҷикистон конференсияи ҷумҳуриявии илмӣ-амалӣ баргузор гардид, хабар доданд ба АМИТ «Ховар» аз академия.
Иштирокдорони конференсия- ходимони давлатӣ ва муҳаққиқон масъалаҳои рушди соҳаи маорифро, ки дар меҳвари Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» қарор доранд, инчунин ташаккули илми тоҷик дар марҳилаҳои Истиқлоли давлатӣ ва барномарезиҳои Пешвои миллатро дар рушди неруи зеҳнӣ мавриди таҳлилу баррасӣ қарор доданд.
Таъкид шуд, ки яке аз ҷанбаҳои асосии Мактаби давлатдории Пешвои миллат муҳтарам Эмомалӣ Раҳмон таваҷҷуҳи пайваста ба соҳаи маориф ва илму маърифат мебошад. Чунки таълиму тарбия ва сатҳи маърифатнокии ҷомеа пояи рушди давлатдорӣ, пойдории истиқлолият ва пешрафти ҷомеа ба ҳисоб меравад.
Дар доираи сиёсати маорифпарваронаи Президенти Тоҷикистон дар тамоми гӯшаю канори ҷумҳурӣ ҳазорҳо мактаби нав ва синфхонаҳои иловагӣ сохта шуда, муассисаҳои кӯҳна низ таъмиру навсозӣ гардиданд.
«Бо иқдоми Пешвои миллат дар соҳаи маориф тағйироти куллӣ ба амал омад, стандартҳои давлатии таҳсил навсозӣ шуда, барномаҳои таълимӣ ба талаботи замони муосир мутобиқ гардонида шуданд. Аз ҷумла, ба фанҳои дақиқ, технологияи компютерӣ, забонҳои хориҷӣ ва барномаҳои касбомӯзӣ аҳамияти хосса дода шуд»,-гуфта шуд дар ҳамоиш.
Иштирокдорон баргузории чунин конференсияҳои илмиро мувофиқи мақсад ва самаранок шумориданд.
АКС: Академияи идоракунии давлатии назди Президенти Ҷумҳурии Тоҷикистон
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
