«Харитаи роҳ ба самти бетарафии карбон барои Осиёи Марказӣ» дар Токио баррасӣ шуд
ДУШАНБЕ, 17.09.2025 /АМИТ «Ховар»/. «Харитаи роҳ ба самти бетарафии карбон барои Осиёи Марказӣ» дар Муколамаи дуюми вазирони иқтисод ва энергетикаи кишварҳои Осиёи Марказӣ+Ҷопон дар шаҳри Токио баррасӣ карда шуд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Дар Муколамаи дуюми вазирони иқтисод ва энергетикаи кишварҳои Осиёи Марказӣ+Ҷопон муовини Вазири энергетика ва захираҳои оби Ҷумҳурии Тоҷикистон Манучеҳр Сафарзода ба таври маҷозӣ иштирок намуда, иброз дошт, ки имрӯз минтақаи мо пайомадҳои тағйирёбии иқлимро эҳсос менамояд. Воқеияти ин босуръат обшавии пиряхҳои Ҷумҳурии Тоҷикистон мебошад. Барои Осиёи Марказӣ масъалаи бетарафии карбон на танҳо масъалаи рушд, балки масъалаи амният ва шукуфоӣ маҳсуб мешавад.
«Дар айни замон Тоҷикистон барои бетарафии карбон на танҳо барои минтақа, балки барои тамоми сайёра низ саҳми назаррас мегузорад. Бо шарофати захираҳои бузурги энергияи барқароршаванда 98 фоизи неруи барқи мамлакат аз захираҳои аз ҷиҳати экологӣ тоза истеҳсол карда мешавад. Ин яке аз баландтарин нишондиҳандаҳо дар ҷаҳон аст», — гуфт Манучеҳр Сафарзода.
Иштирокчиён «Харитаи роҳ ба самти бетарафии карбон барои Осиёи Марказӣ»-ро, ки аз ҷониби Ҷопон бо машварат бо кишварҳои Осиёи Марказӣ таҳия гардидааст, истиқбол намуданд.
АКС: Вазорати энергетика ва захираҳои оби Ҷумҳурии Тоҷикистон
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
