ҲИСОБАРОБАРКУНИИ ҒАЙРИНАҚДӢ. Байни «Амонатбонк» ва Агентии суғуртаи иҷтимоӣ ва нафақа санади ҳамкорӣ ба имзо расид
ДУШАНБЕ, 16.09.2025 /АМИТ «Ховар»/. Дар доираи ҳамкории судманд дар самти сари вақт пардохт намудани нафақа ва хизматрасонӣ ба нафақагирон байни Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ва Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» «Дар бораи аз нав ба расмият даровардани хизматрасониҳо ва ҳисоббаробаркуниҳои суратҳисоби бонкӣ бо пули миллӣ» шартнома ба имзо расид.
АМИТ «Ховар» бо истинод ба Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон иттилоъ медиҳад, ки ин санадро Директори Агентӣ Абдураҳмон Ҳалимзод ва Раиси Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода ба имзо расониданд.
Дар доираи ҳамкорӣ Бонки амонатгузории Ҷумҳурии Тоҷикистон «Амонатбонк» ба нафақагирон оид ба гузаронидани амалиёти бонкӣ бо истифода аз кортҳои бонкии нафақавӣ барои ройгон истифода намудан имконияти зерин, аз ҷумла ройгон пайваст намудани кортҳои бонкӣ ба SMS – паёмак, ройгон пайваст намудани барномаи «Амонат мобайл», хизматрасонии ройгон дар нуқтаҳои хизматрасонӣ ва савдо (дорухонаҳо, марказҳои савдо, муассисаҳои давлатӣ, нуқтаҳои фурӯши сӯзишворӣ ва ғайра тавассути Пос терминал), ройгон пардохт намудани хизматрасониҳои коммуналӣ, андозҳо, маблағи таваққуфгоҳ, телефони мобилӣ, интернет ва хизматрасониҳои давлатӣ ва ғайраро тавассути барномаи «Амонат мобайл» фароҳам меорад.
Дар асоси ин санад тавассути пос-терминалҳо дар Маркази хизматрасонии бонкӣ (зиёда аз 200 намуди хизматрасониҳо), гирифтани маблағҳои нақдӣ аз шабакаҳои терминалии низоми пардохти миллии «Корти миллӣ» (банкомат ва пос-терминалҳо), фаврият дар ҳолати ворид намудани маблағ ба суратҳисоби кортҳои бонкӣ ва пардохти хизматрасониҳои гуфташуда, бархурдор (пайвастшавӣ) шудан аз қарзҳои овердрафтӣ ва воридоти маблағ ба корт аз дохил ва хориҷи ҷумҳурӣ шароит фароҳам оварда мешавад.
Ин иқдом ба татбиқи Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркунии ғайринақдӣ» мусоидат менамояд.
АКС: Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
