Истиқлоли давлатиро бояд чун гавҳараки чашм ҳифз намоем
ДУШАНБЕ, 08.09.2025. /АМИТ «Ховар»/. Бо шарофати Истиқлоли давлатӣ дар мамлакат даҳҳо муассисаҳои илмӣ ва таълимӣ таъсис ёфта, ҷавонони зиёде дар дохил ва хориҷи мамлакат имконияти таҳсил пайдо карданд. Донишгоҳи технологии Тоҷикистон низ самараи ҳамин давраи пурфайз аст. Чунин гуфта шуд дар ҳамоиши ҷашнӣ, ки ба ифтихори 34-солагии Истиқлоли давлатӣ дар Донишгоҳи технологии Тоҷикистон баргузор гардид, иттилоъ медиҳад АМИТ «Ховар» бо истинод ба ин донишгоҳ.
Дар ҳамоиши ҷашнӣ гуфта шуд, ки истиқлолият беҳтарин ва бузургтарин неъматест, ки миллати тоҷик бо шарофати сиёсати Пешвои миллат муҳтарам Эмомалӣ Раҳмон онро таҳким бахшид ва асосҳои давлати миллӣ гузошта шуданд. Маҳз истиқлолият ба мо имконият дод, ки соҳиби рамзҳои давлатӣ, артиш ва сиёсати мустақили миллӣ гардем.
Ҳамзамон иштирокдорони ҳамоиш доир ба таърихи давлатдории тоҷикон ва саҳми Пешвои милат дар таҳкими истиқлоли давлатӣ ва рушду пешрафти мамлакат сухан намуданд. Гуфта шуд, ки миллати тоҷик таърихи давлатдории чандинҳазорсола дошта, истиқлолият имкон дод, ки мо бо такя ба анъанаҳои давлатдории худ Тоҷикистонро ҳамчун давлати озод ва пешрафта муаррифӣ намоем.
Иштирокдорони ҳамоиш иброз намуданд, ки Истиқлолияти давлатӣ барои миллати тоҷик осон ба даст наомадааст, он натиҷаи кӯшишу талошҳои мардумамон мебошад. Аз ин рӯ, зарур аст, ки Истиқлолияти давлатӣ ва ваҳдати миллиро чун гавҳараки чашм ҳифз намоем.
АКС: Донишгоҳи технологии Тоҷикистон
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Пешвои миллат Эмомалӣ Раҳмон бо сафари корӣ ба шаҳри Хоруғи Вилояти Мухтори Кӯҳистони Бадахшон ташриф оварданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Сафири Тоҷикистон бо донишҷӯён ва омӯзгорони Донишгоҳи давлатии Ош мулоқот намуд
Дар Коллеҷи омори шаҳри Ваҳдат оид ба рушд ва такмили низоми омори миллӣ дар замони соҳибистиқлолӣ конференсияи ҷумҳуриявӣ доир шуд
