Китоби «Садриддин Айнӣ. Феҳристи адабиёт» рӯнамоӣ гардид
ДУШАНБЕ, 12.09.2025 /АМИТ «Ховар»/. Имрӯз дар маҳфили илмӣ-адабии «Хирад»-и Академияи миллии илмҳои Тоҷикистон китоби «Садриддин Айнӣ. Феҳристи адабиёт» рӯнамоӣ гардид, хабар доданд ба АМИТ «Ховар» аз академия.
Китоб зери назари президенти Академияи миллии илмҳо Қобилҷон Хушвахтзода аз ҷониби мураттибон- профессор Шодимуҳаммад Суфизода ва академик Муҳаммадюсуф Имомзода омода гардидааст.
Дар маҳфил президенти Академияи миллии илмҳо иброз дошт, ки Устод Садриддин Айнӣ аз чеҳраҳои калидии таърихи навини тоҷикон буда, саҳми ӯ дар истиқлоли давлатӣ ва худшиносии миллӣ қобили таваҷҷуҳ аст. Таъсири амиқе, ки Устод Садриддин Айнӣ ба ҷаҳони маънавӣ ва маърифати мардум дошт, то ба имрӯз пояндаву арзишманд аст. Ба таъбири Президенти Тоҷикистон муҳтарам Эмомалӣ Раҳмон, «устод Айнӣ тимсоли зиёии пешқадаме мебошад, ки тамоми умр фаъолияти серҷабҳаашро сарфи хизмат ба миллати худ кардааст».
Таъкид гардид, ки китоби «Садриддин Айнӣ. Феҳристи адабиёт» библиографияи осори мутафаккири бузург, Қаҳрамони Тоҷикистон ва сардафтари адабиёти муосири тоҷик Садриддин Айнӣ ва адабиёт доир ба ӯро фаро гирифтааст. Ин асар таҳқиқоти муҳим ва муфассалест, ки ба таҳлили мероси адабии Садриддин Айнӣ ва пажуҳишҳое, ки дар бораи ӯ анҷом дода шудаанд, бахшида шудааст.
Феҳрист ба муҳаққиқон ва ҳаводорони фарҳангу адабиёт ҳамчун манбаи боэътимод ва роҳнамои арзишманд пешкаш мегардад.
Дар идомаи маҳфил олимону шоирон аз хизматҳои таърихии Устод Садриддин Айнӣ дар рушди забон ва адабиёти муосири тоҷик ёдовар шуданд.
АКС: Академияи миллии илмҳои Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
