Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
ДУШАНБЕ, 24.09.2025 /АМИТ «Ховар»/. 23 сентябр дар Академияи идоракунии давлатии назди Президенти Ҷумҳурии Тоҷикистон доир ба лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» ҳамоиш баргузор гардид, хабар медиҳад АМИТ «Ховар» бо истинод ба академия.
Дар ҳамоиш иброз гардид, ки Ҷумҳурии Тоҷикистон дар қатори мамлакатҳои дигари минтақа таҳдидҳои афзояндаи экстремизм ва терроризмро ба амнияти миллӣ ва рушди босубот эҳсос менамояд. Нақши соҳаи маориф дар пешгирии равандҳои тундгароӣ, таҳияи барномаҳои таълимии муассисаҳои таҳсилоти умумӣ ва олии касбӣ, омӯзиши механизмҳои татбиқи барномаҳои давлатӣ дар самти мубориза бо экстремизм ва терроризм, инчунин ташкили таҳияи модулҳои омӯзишӣ ва баргузории тренингҳо дар самти мубориза ба экстремизм ва терроризм мавқеи назаррас дорад.
Намояндагони Академияи идоракунии давлатӣ ва намояндаи Дафтари барномаҳои Созмони амният ва ҳамкорӣ дар Аврупо дар Душанбе барои таҳияи модулҳои омӯзишӣ ва баргузории тренингҳо дар самти муқовимат ба экстремизм ва терроризм фикру андешаҳояшонро иброз дошта, таҳлилу баррасии масъалаҳоро мувофиқи мақсад шумориданд.
АКС: Академияи идоракунии давлатии назди Президенти Ҷумҳурии Тоҷикистон
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
Имрӯз дар водиҳои Тоҷикистон ҳаво 19 дараҷа гарм мешавад
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
