Маркази байналмилалии рушд ва инноватсияи Хатлон ифтитоҳ гардид
ДУШАНБЕ, 10.09.2025. /АМИТ «Ховар»/. Ба муносибати 34-солагии Истиқлоли давлатии Ҷумҳурии Тоҷикистон дар шаҳри Бохтар Маркази байналмилалии рушд ва инноватсияи Хатлон ифтитоҳ гардид.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, марказ дар доираи эълони Солҳои рушди иқтисоди рақамӣ ва инноватсия (2025-2030) ва қабул гардидани қатъномаи таърихии Тоҷикистон оид ба зеҳни сунъӣ дар Маҷмаи Умумии Созмони Милали Муттаҳид ба таври муосир сохта шудааст. Ҳуҷраҳои хизматрасонии он бо таҷҳизоти муосири сохти ширкатҳои бонуфузи ҷаҳонӣ таъмин мебошанд.
Ҳадафи таъсиси Маркази байналмилалии рушд ва инноватсияи Хатлон хизматрасонӣ ҳамчун пули ҳамкорӣ байни давлат, бахши хусусӣ, илму технология ва ҷомеа мебошад. Марказ барои фароҳам овардани фазои муосир бобати рушди иқтисодӣ, иҷтимоӣ ва сиёсӣ, ҳамзамон пешбурди инноватсия ва зеҳни сунъӣ хизмат менамояд, то Хатлон ба маркази стратегии пешрафта дар минтақа табдил ёбад.
Маркази байналмилалии рушд ва инноватсияи Хатлон аз ду толори «Инноватсия ва зеҳни сунъӣ (AI)» ва толори «Кишоварзӣ ва экспорт» иборат аст. Дар онҳо гӯшаҳои AI дар амал, инноватсияи Хатлон, AI ва кишоварзӣ, AI ва таълим, фотозона, гӯшаи маҳсулоти асосӣ, экспорт ва бозорҳо, инноватсия дар кишоварзӣ, дастархони Хатлон ва фотозонаи аграрӣ мавҷуд мебошанд.
АКС: Хадамоти матбуоти Раиси вилояти Хатлон
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
