Мавсума Муинӣ дар Австрия аз нақши калидии ҷавонон дар таҳкими сулҳу субот ва рушди устувори ҷомеа ёдовар шуд
ДУШАНБЕ, 20.09.2025 /АМИТ «Ховар»/. 19 сентябр муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар маросими хотимавии ташаббуси «Ҷавондухтарон барои сулҳ: Тавонмандсозии ҷавондухтарони Осиёи Марказӣ», ки дар шаҳри Венаи Австрия баргузор гардид, иштирок намуд.
Тавре ба АМИТ «Ховар» аз Сафорати Тоҷикистон дар Австрия хабар доданд, ташаббуси мазкур бо дастгирии сохторҳои марбутаи Созмони амният ва ҳамкорӣ дар Аврупо (САҲА) ва шарикони байналмилалӣ амалӣ шуда, ба таҳкими имкониятҳои ҷавонон, бахусус духтарони минтақа равона гардидааст. Чорабинии мазкур саҳми онҳоро дар пешбурди сулҳ, муколамаи созанда ва иштироки фаъол дар ҳаёти ҷамъиятӣ ва сиёсии кишварҳои худ тақвият мебахшад.
Мавсума Муинӣ аз нақши калидии ҷавонон дар таҳкими сулҳу субот ва рушди устувори ҷомеа ёдовар шуда, таъкид намуд, ки парлумони Тоҷикистон омода аст ташаббусҳои марбут ба таҳкими иштироки духтарон дар равандҳои сиёсӣ, таваҷҷуҳ ба масоили гендерӣ, ва таъмини волоияти қонунро тавассути ҳамкорӣ бо созмонҳои байналмилалӣ дастгирӣ намояд.
Ҳамзамон иштирокдорони ҳамоиш таҷрибаҳои муваффақи духтарони фаъоли Осиёи Марказиро дар самти мусоидат ба сулҳ ва муколамаи байнинаслӣ муаррифӣ намуда, зарурати идомаи чунин ташаббусҳоро дар сатҳи минтақавӣ ва байналмилалӣ таъкид карданд.
АКС: Сафорати Тоҷикистон дар Австрия
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
Ҷаласаи навбатии Шурои Маҷлиси намояндагон баргузор гардид
Ба муносибати 29-солагии Рӯзи Ваҳдати миллӣ дар Маҷлиси намояндагон ҳамоиш баргузор гардид
Рушди муносибатҳои байнипарлумонии Тоҷикистон ва Беларус баррасӣ гардид
Ҷаласаи навбатии Шурои Маҷлиси намояндагон баргузор гардид
Дар иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
