Муслим Сафоӣ аз Эрон: «Соҳаи сайёҳӣ дар Тоҷикистон дар ҳоли рушд қарор дорад»
ДУШАНБЕ, 20.09.2025. /АМИТ «Ховар»/. Дар Тоҷикистон соҳаи сайёҳӣ бо назардошти захираҳои бойи сайёҳии муосир, мероси бузурги фарҳангӣ-таърихӣ, ҷойгиршавии мусоиди ҷуғрофӣ, табиати зебою дилчасп, мавзеъҳои фароғатӣ ва олами нотакрори ҳайвоноту наботот рушд дорад. Чунин ибрози назар намуд иштирокчии Намоишгоҳи байналмилалии сайёҳии Душанбе — 2025 аз Ҷумҳурии Исломии Эрон Муслим Сафоӣ.
Муслим Сафоӣ афзуд, ки дар рушди соҳаи сайёҳӣ нақши мардуми тоҷик низ хеле зиёд аст, зеро онҳо даст ба даст гирифта, дар паҳлуи Роҳбари давлати худ мамлакати худро ободу зебо мегардонанд. «Мардуми тоҷик бо меҳмоннавозии хосса ва лутфу меҳрубонии худ дар дили сайёҳон ҷой мегирад», -гуфт ӯ.
Ба андешаи Муслим Сафоӣ, тоҷикону эрониёнро забону фарҳанг ва урфу одатҳояшон пайванд мекунанд. «Сари ҳар қадам нишоне аз таъриху фарҳанги муштарак доштани тоҷикону эрониҳоро дидам. Дар ин шаҳр ҳама чиз бароям ошност. Обу ҳаво, кӯчаю хиёбон, гулгаштҳои сабзпӯш ва мардумони самимиашро дӯст доштам», -изҳор дошт ҳамсуҳбати мо.
Муслим Сафоӣ иброз дошт, ки «ҳадаф аз иштирок дар намоишгоҳ ҳамкорӣ бо ширкатҳои Тоҷикистон аст. Мо тавассути иштироки худ дар Намоишгоҳи байналмилалии сайёҳии Душанбе-2025 метавонем меҳмонхонаҳои Тоҷикистонро ба ҷаҳониён муаррифӣ кунем. Ба ин восита шаҳрвандони хориҷӣ метавонанд бештар ба Тоҷикистон оянд ва манзараҳои нотакрори ин мамлакати зеборо тамошо намоянд».
Сайёҳи эронӣ иброз намуд, ки зимни ин сафар онҳо тасмим гирифтаанд дар минтақаҳои гуногуни Тоҷикистон сайёҳии Эронро муаррифӣ намоянд.
Ёдовар мешавем, ки 18 сентябр дар «Dushanbe EXPO Centre» — Маркази намоишгоҳи шаҳри Душанбе дуюмин «Намоишгоҳи байналмилалии сайёҳии Душанбе (Dushanbe International Tourism Exhibition — DITE)» оғоз гардид, ки имрӯз ҷамъбаст мегардад.
Дар DITE-2025 зиёда аз 200 ширкат, аз ҷумла 65 ширкати хориҷӣ иштирок доранд. Ширкатҳои хориҷӣ асосан аз Олмон, Британияи Кабир, Русия, Туркия, Аморати Муттаҳидаи Араб, Арабистони Саудӣ, Иёлоти Муттаҳидаи Амрико, Эрон, Покистон, Баҳрайн, Узбекистон, Қирғизистон, Қазоқистон, Туркманистон, Яман, Сурия ва Марокаш мебошанд.
Дар Намоишгоҳи байналмилалии сайёҳии Душанбе ширкатҳои сайёҳӣ, ҳавопаймоӣ, меҳмонхонаҳо, муассисаҳои табобатию солимгардонӣ, марказҳои фарҳангию фароғатӣ ва истеҳсолкунандагони маҳсулоти армуғонӣ имконияту хизматрасонияшонро муаррифӣ намуданд.
Зарангези ЛАТИФ,
АМИТ «Ховар»
АКС: АМИТ «Ховар»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
Кормандони сохторҳои шаҳри Душанбе бо имконияти сайёҳии шаҳри Ваҳдат ва дараи Ромит шинос гардиданд
Дар Душанбе дар мавзуи «Сайёҳии устувор ва мероси фарҳангӣ» форуми байналмилалӣ баргузор мегардад
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
Давоми шаш моҳи соли 2026 зиёда аз 700 ҳазор сайёҳон ба шаҳри Душанбе ташриф овардаанд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Кормандони мақомоти шаҳри Душанбе бо имконияти сайёҳӣ ва инфрасохтори энергетикии шаҳри Норак шинос шуданд
Дар шаш моҳ беш аз 30 ҳазор сайёҳони хориҷию дохилӣ ба ноҳияи Варзоб омадаанд
Барои кормандони сохторҳои пойтахт ба мавзеъҳои сайёҳии Балҷувон ва Ховалинг хатсайр ташкил гардид
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
